സ്വന്തമായൊരു ഐഫോൺ വാങ്ങുക എന്നതാവും ബഹുഭൂരിപക്ഷം ഐഫോൺ പ്രേമികളുടെയും ആഗ്രഹം. എന്നാൽ ഈ ഫോണുകളുടെ വിലയാണ് സാധാരണക്കാരനെ പിന്നോട്ട് വലിക്കുന്നത്. വിലയാണ് പ്രശ്നമെങ്കിൽ അതിനൊരു പരിഹാരവുമായിട്ടാണ് ഫ്ളിപ്പ്കാർട്ട് എത്തിരിക്കുന്നത്. ആപ്പിൾ ഐഫോണുകൾക്ക് നിരവധി ഓഫറുകളാണ് ഫ്ളിപ്പ്കാർട്ട് നൽകുന്നത്.
ഒക്ടോബർ 8 മുതൽ 15 വരെ നടക്കുന്ന ബിഗ് ബില്ല്യൺ ഡേയ്സിനോടനുബന്ധിച്ച് 69,000 രൂപയുടെ ഐഫോൺ 14 സീരീസ് 49,999 രൂപയ്ക്ക് ലഭിക്കും. സാധാരണ ഡിസ്കൗണ്ടിലൂടെ 52,999 രൂപയ്ക്കാണ് ഈ ഫോൺ ലഭിക്കുക. ഫ്ളിപ്പ്കാർട്ട് ഓഫറുകൾ വർദ്ധിപ്പിച്ചതെന്നാണ് ഐഫോണുകൾക്ക് ഇത്രയും വില കുറയാൻ കാരണം. കേൾക്കുമ്പോൾ സന്തോഷം തോന്നുമെങ്കിലും ചില ചലഞ്ചുകൾ മുന്നോട്ടു വച്ചിരിക്കുകയാണ് ഫ്ളിപ്പ്കാർട്ട്.
ആദ്യത്തേതിൽ ഇന്ത്യ- അഫ്ഗാനിസ്ഥാൻ മത്സരം കാണാൻ നിങ്ങളുടെ മുതലാളി അവധി തന്നാൽ ഐഫോൺ 14-ന് 4,000 രൂപ കുറയുമെന്നാണ് പറയുന്നത്. രണ്ടാമത്തേത് ഒരു ബാനറാണ്. സിഗ്നിനലിൽ ആരും ഹോൺ അടിച്ചില്ലെങ്കിൽ 3,000 രൂപ കുറയുമെന്നും ഫ്ളിപ്പ്കാർട്ടിന്റെ ഓഫററിൽ പറയുന്നു. ഇത്തരത്തിൽ മൂന്ന് ചലഞ്ചുകൾ പൂർത്തിയാക്കിയാലാണ് ഐഫോൺ നിങ്ങൾക്ക് സ്വന്തമാക്കാൻ സാധിക്കുക. മുമ്പും ഫ്ളിപ്പ്കാർട്ട് ഇത്തരത്തിലുള്ള ചലഞ്ചുകളുമായി രംഗത്തെത്തിയിരുന്നു. ഈ ചലഞ്ചുകൾ നേരിടാൻ കഴിയാത്തവർക്ക് ചെറിയ രീതിയിലുള്ള ഓഫറുകളും ഫ്ളിപ്പ്കാർട്ട് നൽകുന്നുണ്ട്. പഴയൊരു ഐഫോൺ 14 പ്രൊ മാക്സ് നിങ്ങൾക്കുണ്ടെങ്കിൽ 34,000 രൂപയാണ് ഡിസ്കൗണ്ട് ലഭിക്കുക. ഇതോടെ 15,999 രൂപയ്ക്ക് പുതിയ ഐഫോൺ 14 നിങ്ങൾക്ക് സ്വന്തമാക്കാം.
