പുതിയൊരു ഫോൺ വാങ്ങാൻ ആവശ്യത്തിന് പണം തികയാതെ വരുമ്പോൾ പല ആളുകളും സെക്കന്റ് ഹാൻഡ് ഫോണുകളെയാണ് ആശ്രയിക്കുന്നത്. എന്നാൽ ഇവ വാങ്ങുമ്പോൾ ശ്രദ്ധിക്കേണ്ട ചില കാര്യങ്ങളുണ്ട്. അറിയാം..
സെക്കന്റ് ഹാൻഡ് ഫോണുകൾ വാങ്ങുമ്പോൾ ഫോണിന്റെ ഐഎംഇഐ നമ്പർ വാലിഡ് ആണോ അല്ലയോ എന്ന് തീർച്ചയായും പരിശോധന നടത്തണം. ഇതിനായി നിങ്ങൾക്ക് ഈ മാർഗം സ്വീകരിക്കാം.
കേന്ദ്ര ടെലികമ്മ്യൂണിക്കേഷന്റെ സഞ്ചാർ സാഥി എന്ന് വെബ് സൈറ്റിൽ പ്രവേശിച്ചതിനു ശേഷം സിറ്റിസൺ സർവീസിൽ ക്ലിക് ചെയ്യുക. ഇതിൽ block your phone/ stolen mobile എന്ന ഓപ്ഷൻ ക്ലിക് ചെയ്ത ശേഷം ആപ്ലിക്കേഷൻ മെനു തിരഞ്ഞെടുക്കുക. പിന്നീട് ഐഎംഇഐ വെരിഫിക്കേഷൻ എന്ന ഓപ്ഷൻ തിരഞ്ഞെടുത്താൽ മൊബൈൽ നമ്പർ രേഖപ്പെടുത്താൻ ആവശ്യപ്പെടും. ഫോൺ നമ്പർ നൽകി വെരിഫൈ ചെയ്താൽ ഐഎംഇഐ നമ്പർ പരിശോധിക്കാനുള്ള ഓപ്ഷൻ ലഭിക്കും. ഈ നമ്പർ നിങ്ങൾക്ക് അറിയില്ലെങ്കിൽ *#06# എന്ന് ഡയൽ ചെയ്ത് നമ്പർ എടുക്കാവുന്നതാണ്. നമ്പർ ലഭിക്കുന്നതോടെ നിങ്ങൾക്ക് ഫോണിന്റെ വിശദവിവരങ്ങളും ലഭിക്കും. ഇതിൽ വാലിഡിറ്റിയെ കുറിച്ചും രേഖപ്പെടുത്തിയിരിക്കും. വാലിഡിറ്റി അറിഞ്ഞ ശേഷം മാത്രം സെക്കന്റ് ഹാൻഡ് ഫോണുകൾ വാങ്ങാൻ ശ്രമിക്കുക.