നാലാം നിലയിലെ കിടപ്പുമുറിയുടെ ജനാലയിലൂടെ താഴെ വീണ നാലുവയസുകാരിക്ക് ദാരുണാന്ത്യം. മുംബൈയിലെ വിരാര് വെസ്റ്റിലെ ഫ്ളാറ്റിലായിരുന്നു ദാരുണ സംഭവം. ദര്ശിനി സലിയന് ആണ് ഉറക്കമുണര്ന്നതിന് തൊട്ടുപിന്നാലെ ജനാലയിലൂടെ താഴെ വീണതെന്ന് പോലീസ് പറഞ്ഞു.വീട്ടില് കുട്ടി തനിച്ചായിരുന്നു. അമ്മ പിതാവിനെ റെയില്വേ സ്റ്റേഷനില് വിടാന് പോയപ്പോഴായിരുന്നു ദാരുണ സംഭവം.അതേസമയം കുഞ്ഞിന്റ കണ്ണുകള് ദാനം ചെയ്യാന് മാതാപിതാക്കള് അനുമതി നല്കി.
പുതുതായി നിര്മ്മിച്ച 19 നിലയുള്ള ഫ്ളാറ്റില് കുട്ടിയുടെ കുടുംബം വാടകയ്ക്ക് കഴിയുകയാണ്. കഴിഞ്ഞ ദിവസം രാവിലെ 7.30നായിരുന്നു സംഭവം.അപകടമരണത്തില് പോലീസ് കേസ് രജിസ്റ്റര് ചെയ്തിട്ടുണ്ട്. പിതാവ് സുരേഷിനും മാതാവ് മണിമേഖലക്കുമൊപ്പം വൈ.കെ നഗറിലെ ബച്ച്രാജ് ലൈഫ് സ്പേസ് ടവറിലെ ഫ്ളാറ്റിലാണ് പെണ്കുട്ടി താമസിച്ചിരുന്നു. പെണ്കുട്ടി കിടന്നിരുന്ന ബെഡും ജനലും തമ്മില് അകലമുണ്ടായിരുന്നില്ല. സൈഡ് ഓപ്പണ് ജനാലയായിരുന്നു ഇവിടെയുണ്ടായിരുന്നത്.
പിതാവിനെ സ്റ്റേഷനില് വിട്ട് അമ്മ തിരികെയെത്തിയപ്പോള് ആള്ക്കാര് ഫ്ളാറ്റിന് താഴെ കൂട്ടം കൂടി നില്ക്കുന്നതും ചോര തറയില് പരന്നുകിടക്കുന്നതും കണ്ടു. അപ്പോഴേക്കും കുട്ടിയെ ആശുപത്രിയില് കൊണ്ടുപോയിരുന്നു.
ആഴ്ചകള്ക്കു മുന്പുവരെ മകളെയും കൂട്ടിയായിരുന്നു ഇവര് റെയില്വെ സ്റ്റേഷനില് പോയിരുന്നത്. കുട്ടി സ്കൂട്ടറില് നിന്ന് വീണ ശേഷം ഈ അടുത്താണ് ആ ശീലനത്തിന് മാറ്റമുണ്ടായത്. ദര്ശിനിയെ ഉറക്കമുണര്ത്തിയ ശേഷം കുട്ടിയെ ഫ്ളാറ്റിന്റെ കവാടത്തിലെ സോഫയില് ഉറക്കികിടത്തിയ ശേഷമായിരുന്നു പോയിരുന്നത്. എന്നാല് ഇന്നലെ കുട്ടി ഉണരാത്തതിനാല് അതുണ്ടായില്ല.
