കോഴിക്കോട്: ബാലഗോകുലം സംസ്ഥാന കലോത്സവത്തിന്റെ ലോഗോ പ്രകാശനം ചെയ്തു. പ്രശസ്ത സംഗീതജ്ഞൻ കൈതപ്രം ദാമോദരൻ നമ്പൂതിരിയാണ് ലോഗോ പ്രകാശനം നിർവഹിച്ചത്.
2024 ഏപ്രിലിൽ നടക്കുന്ന സംസ്ഥാന കലോത്സവത്തിന് മുന്നോടിയായാണ് ലോഗോ പ്രകാശനം നടത്തിയത്. കേസരി ഭവനിൽ സരസ്വതീ മണ്ഡപത്തിൽ നടന്ന ചടങ്ങിൽ സിനിമാ താരം വിധുബാലയടക്കമുള്ളവർ പങ്കെടുത്തു.
അതേസമയം അതാത് ബാലഗോകുലങ്ങൾ സംഘടിപ്പിക്കുന്ന മത്സരം സെപ്തംബറിൽ തന്നെ ആരംഭിച്ചിരുന്നു. നിലവിൽ താലൂക്ക് തല മത്സരങ്ങൾ പുരോഗമിക്കുകയാണ്. ഡിസംബർ മാസത്തിൽ ജില്ലാതല കലോത്സവങ്ങളും നടക്കും.