മലയാളികളുടെ എക്കാലത്തെയും പ്രിയപ്പെട്ട നായിക ഉർവ്വശിയോടൊപ്പം ഭാവന ഒന്നിക്കുന്ന പുതിയ ചിത്രത്തിന്റെ പൂജ കൊച്ചിയിൽ നടന്നു. 23 ഡ്രീംസിന്റെ ബാനറില്‍ റെനിഷ് അബ്ദുള്‍ ഖാദര്‍ നിര്‍മിക്കുന്ന ചിത്രത്തിന്റെ സംവിധാനം നിര്‍വഹിക്കുന്നത് ഇന്ദ്രജിത്ത് രമേശാണ്. അനഘ നാരായണനും മാളവിക ശ്രീനാഥും ചിത്രത്തില്‍ പ്രധാന വേഷത്തിൽ എത്തുന്നുണ്ട്.
ഇവരെ കൂടാതെ ശ്രീനാഥ് ഭാസി, മണിയൻപിള്ള രാജു, പ്രിയ പി വാര്യർ, അഭിറാം രാധാകൃഷ്‍ണൻ, അൽത്താഫ് സലിം എന്നിവരും ചിത്രത്തിലുണ്ടാകും. ഛായാഗ്രാഹണം നിര്‍വഹിക്കുന്നത് ബിനേന്ദ്ര മേനോനാണ്. സംഗീതം ഇഫ്‍തിയാണ് നിര്‍വഹിക്കുന്നത്.
ലക്ഷ്മി പ്രകാശ് സഹനിര്‍മാതാവാണ്. അര്‍ജുന്‍ കൊളങ്ങാത്ത്, പോള്‍ വര്‍ഗീസ് എന്നിവരാണ് തിരക്കഥ ഒരുക്കുന്നത്. കോമഡി എന്റര്‍ടെയ്‌നറായിട്ടാണ് ചിത്രം പ്രേക്ഷകരിലേക്ക് എത്തുന്നത്.
ആർട്ട് സജീഷ് താമരശ്ശേരി. മേക്കപ്പ് സജി കൊരട്ടി നിർവ്വഹിക്കുമ്പോൾ ചിത്രത്തിന്റെ ലൈൻ പ്രൊഡ്യൂസർ – മഹിൻഷാദ്, ക്രിയേറ്റീവ് പ്രൊഡ്യൂസർ വിഷ്‍ണു രമേശ്, ഷിബിൻ പങ്കജ്, പ്രോജക്ട് ഡിസൈനർ പ്രണവ് രാജ്, പ്രൊഡക്ഷൻ കൺട്രോളർ എസ് കെ എസ്‍തപ്പാൻ, അസോസിയേറ്റ് ഡയറക്ടേഴ്‌സ് അഖിൽ വർഗീസ്, അരുൺ വർഗീസ്, സ്റ്റിൽസ് രോഹിത് കെ സുരേഷ്, പി ആർഒ പ്രതീഷ് ശേഖർ, ഡിജിറ്റൽ മാർക്കറ്റിംഗ് അനൂപ് സുന്ദരൻ, ഡിസൈൻ ആനന്ദ് രാജേന്ദ്രൻ എന്നിവരുമാണ്.
