ഇടുക്കി: മുന്നാറിലെ അനധികൃത കയ്യേറ്റങ്ങൾ ദൗത്യസംഘം ഒഴിപ്പിക്കുന്നു. ആനയിറങ്കൽ -ചിന്നക്കനാൽ മേഖലയിലെ കയ്യേറ്റങ്ങളാണ് ഒഴിപ്പിക്കുന്നത്. റവന്യൂവകുപ്പും കോടതിയും അനധികൃതമെന്ന് കണ്ടെത്തിയ റ്റിജു ആനിക്കോട്ടത്തിൽ കൈയേറിയ 5 ഏക്കർ ഏല കൃഷി നടത്തുന്ന സ്ഥലമാണ് ഒഴിപ്പിച്ചത്. ഹൈക്കോടതി നിർദേശത്തിന്റെ അടിസ്ഥാനത്തിലാണ് പ്രത്യേക സംഘത്തെ നിയോഗിച്ചത്. റവന്യൂസംഘത്തിന്റെയും പോലീസിന്റെയും നേതൃത്വത്തിലാണ് നടപടികൾ പുരോഗമിക്കുന്നത്. കയ്യേറ്റ ഭൂമിയിൽ റവന്യൂ വകുപ്പ് ബോർഡ് സ്ഥാപിക്കുകയും കയ്യേറ്റ മേഖലയിലെ വീട് സീൽ ചെയ്യുകയും ചെയ്തു. കൈയ്യേറ്റ ഭൂമിയിൽ കെട്ടിപ്പൊക്കിയ വീട്ടിൽ താമസിച്ചിരുന്നത് ഇതര സംസ്ഥാന തൊഴിലാളികളാണ്.