പുനെ: ടോസ് നേടി ബാറ്റിംഗ് തിരഞ്ഞെടുത്ത ബംഗ്ലാദേശിന് മികച്ച തുടക്കം. 14 ഓവര് പിന്നിടുമ്പോള് ഒരു വിക്കറ്റ് നഷ്ടത്തിൽ 93 റണ്സെന്ന നിലയിലാണ്. 50 റണ്സെടുത്ത തന്സിദ് ഹസന്റെ വിക്കറ്റാണ് നഷ്ടമായത്. കുൽദീപ് യാദവാണ് ഓപ്പണറെ വിക്കറ്റിന് മുന്നിൽ കുടുക്കിയത്. 36 റണ്സുമായി ലിറ്റണ് ദാസും ഒരു റൺസുമായി നജ്മുൾ ഹുസൈനുമാണ് ക്രീസില്.
പരിക്കേറ്റ ഷാക്കിബ് അല് ഹസന് പകരം നജ്മുള് ഹുസൈന് ഷാന്റോയാണ് ടീമിനെ നയിക്കുന്നത്. ഷാക്കിബിന് പകരം നസും അഹമ്മദ് ടീമിലെത്തി. ഇന്ത്യ കഴിഞ്ഞ മത്സരത്തിലെ ടീമിനെ തന്നെയാണ് കളിപ്പിക്കുന്നത്.
ലോകകപ്പില് തുടര്ച്ചയായ നാലാം ജയം തേടിയാണ് ഇന്ത്യ ഇറങ്ങുന്നത്. ആദ്യം ബ്ാറ്റ് ചെയ്യുന്ന ടീം 300 മേലെ സ്കോര് ചെയ്യുമെന്നാണ് റിപ്പോര്ട്ട്. ഇവിടെ കഴിഞ്ഞ ഏഴു മത്സരങ്ങളില് അഞ്ചിലും ആദ്യ ഇന്നിങ്സ് സ്കോര് 300 കടന്നിരുന്നു.
