പുതിയ ഇന്റർനെറ്റ് ഉപയോഗ നിയന്ത്രണങ്ങൾ കൊണ്ടുവന്ന സാഹചര്യത്തിൽ യൂറോപ്പിൽ നിന്നും സമൂഹമാദ്ധ്യമമായ എക്സിന്റെ പ്രവർത്തനം നിർത്തിവെക്കാൻ പോകുന്നതായി റിപ്പോർട്ടുകൾ.
യൂറോപ്പിൽ ആപ്പിന്റെ ലഭ്യത നിർത്തലാക്കുന്നതിനും, യൂറോപ്യൻ യൂണിയനിലെ അംഗങ്ങൾ എക്സ് ഉപയോഗിക്കുന്നത് തടയുന്നതും സംബന്ധിച്ച് ഇലോൺ് മസ്ക് യൂറോപ്യൻ യൂണിയനുമായി ചർച്ച നടത്തിയെന്നാണ് സൂചന. ഈ വർഷം ഓഗസ്റ്റിൽ യൂറോപ്യൻ യൂണിയൻ രാജ്യത്ത് ഡിജിറ്റൽ സർവീസ് ആക്റ്റ് പ്രാബല്യത്തിൽ കൊണ്ട് വന്നിരുന്നു.
നാല് നിയമങ്ങൾ ഉൾപ്പെടുത്തികൊണ്ടാണ് ആക്റ്റ് നിലവിൽ വന്നത്. ഭരണകൂടത്തിനും വ്യക്തികൾക്കും ഹാനികരമായ വിവരങ്ങൾ ഉൾപ്പെട്ട പോസ്റ്റുകൾ ഒഴിവാക്കുക, പ്രത്യേകമായി ഒരു ആശയത്തെ അല്ലെങ്കിൽ വ്യക്തിയെ തന്നെ ലക്ഷ്യം വെച്ച് കൊണ്ടുള്ള ഉള്ളടക്കങ്ങൾ നിരോധിക്കുക, ഭരണ സുരക്ഷയുമായി ബന്ധപ്പെട്ട വിവരങ്ങൾ കൈമാറ്റം ചെയ്യുന്നത് തടയുക എന്നിവയാണ് ഡിജിറ്റൽ സർവീസ് ആക്റ്റിൽ പറയുന്നത്. നിയമം വന്നതിന് പിന്നാലെയാണ് ഇലോൺ മസ്കിന്റെ ഈ നിലപാട്.
