ധര്മ്മശാല; ബംഗ്ലാദേശ് ബൗളര്മാരെ പഞ്ഞിക്കിട്ട് ഇന്ത്യക്ക് വെടിക്കെട്ട് തുടക്കം നല്കി രോഹിത് ശര്മ്മയും ശുഭ്മാന് ഗില്ലും. 257 റണ്സ് വിജയലക്ഷ്യത്തിലേക്ക് ബാറ്റ് വീശുന്ന ഇന്ത്യ 13 ഓവര് പിന്നിടുമ്പോള് 90 കടന്നു. വിസ്ഫോടന ബാറ്റിംഗ് കാഴ്ചവച്ച രോഹിത് ശര്മ്മ അര്ദ്ധ സെഞ്ച്വറിക്ക് രണ്ടു റണ്സകലെ വീഴുകയായിരുന്നു. ഹസന് മഹമൂദിന്റെ പന്തില് സിക്സിന് ശ്രമിച്ച താരത്തെ ബൗണ്ടറിയില് ഹൃദോയ് പിടികൂടുകയായിരുന്നു.
40 പന്തില് ആറു ബൗണ്ടറിയും 2 സിക്സും പറത്തിയാണ് രോഹിത് കളം വിട്ടത്. കരുതലോടെ തുടങ്ങിയ ഗില് 36 പന്തില് 40 റണ്സുമായി ക്രീസിലുണ്ട്. മൂന്ന് പന്തില് 13 റണ്സുമായി കോഹ്ലിയും വെടിക്കെട്ടോടെയാണ് ഇന്നിംഗ്സിന് തുടക്കമിട്ടത്.
