രാജ്യമെങ്ങും നവരാത്രി ആഘോഷങ്ങളുടെ തിരക്കിലാണ്. തിന്മയ്ക്കെതിരെ പോരാടി നന്മ വിജയിച്ച മൂഹൂർത്തങ്ങൾ ഓരോ ഭാരതീയനും ദുർഗ്ഗാദേവിക്ക് അർപ്പിക്കുകയാണ്. നവരാത്രി ആഘോഷങ്ങളിൽ ഗർബ നൃത്തവും ദാണ്ഡിയ നൃത്തവും പ്രധാനമാണ്. എന്നാൽ ഒരു വ്യത്യസ്ത ഗർബ നൃത്തവുമായി പ്രേക്ഷകരെ ഞെട്ടിച്ചിരിക്കുകയാണ് ഒരു യുവാവ്.
ജയദീപ് ഗോഹിൽ എന്ന യുവാവാണ് വീഡിയോയിലെ താരം. കരയിൽ നൃത്തം ചെയ്യുന്നതുപോലെ അത്ര എളുപ്പമായ കാര്യമല്ല വെള്ളത്തിനടിയിൽ നൃത്തം ചെയ്യുന്നതെന്ന് നമുക്ക് അറിയാം. എന്നാൽ എല്ലാവരെയും അമ്പരപ്പിച്ചുകൊണ്ട് അനായാസമായാണ് ജയദീപ് വെള്ളത്തിനടിയിൽ ചടുല നൃത്തം കാഴ്ച്ച വെച്ചത്. ഇതോടെ വെള്ളത്തിനടിയിൽ ഗർബ നൃത്തം അവതരിപ്പിച്ച ആദ്യ വ്യക്തി എന്ന പദവിയും യുവാവിനെ തേടി വന്നിരിക്കുകയാണ്. ഹൈഡ്രോമാൻ എന്ന ഇൻസ്റ്റഗ്രാം പേജിലൂടെയാണ് വീഡിയോ പങ്കുവെച്ചിരിക്കുന്നത്. യുവാവിന്റെ പ്രകടനത്തെ അഭിനന്ദിച്ച് നിരവധി പേരാണ് രംഗത്തിയത്. നിമിഷനേരങ്ങൾകൊണ്ട് 10 മില്യൺ കാഴ്ച്ചക്കാരെ നേടാനും വീഡിയോയ്ക്ക് സാധിച്ചു.
View this post on Instagram
“>
