ധർമ്മശാല; പതിവ് പോലെ രോഹിത് ശർമ്മ-ശുഭ്മാൻ ഗിൽ സഖ്യം ഇന്ത്യക്ക് നൽകിയത് മികച്ച തുടക്കം. ഇരുവരും ചേർന്ന് 71 റൺസിന്റെ കൂട്ടുകെട്ടാണ് ആദ്യ വിക്കറ്റിൽ ചേർത്തത്. എന്നാൽ ഹാഫ് സെഞ്ച്വറിക്ക് നാലു റൺസകലെ രോഹിതിനെ ഫെർഗൂസൺ ക്ലീൻ ബൗൾഡാക്കി 13-ാം ഓവറിൽ ഗില്ലും ഫെർഗൂസണ് വിക്കറ്റ് നൽകി 26 റൺസോടെ കൂടാരം കയറി.
4 വീതം ബൗണ്ടറിയും സിക്സും അടങ്ങുന്നതായിരുന്നു ഹിറ്റ്മാന്റെ ഇന്നിംഗ്സ്. പിന്നാലെ വന്ന ശ്രേയസ് അയ്യർ തകർത്തടിച്ചതോടെ ഇന്ത്യ 15 ഓവറിൽ നൂറ് കടന്നു.
9 പന്തിൽ 21 റൺസുമായി ശ്രേയസും 7 റൺസുമായി കോലിയുമാണ് ക്രീസിൽ.
തുടർന്ന് കനത്ത മഞ്ഞു വീഴ്ചയെ തുടർന്ന് മത്സരം താത്കാലികമായി നിർത്തിയെങ്കിലും വീണ്ടും ആരംഭിച്ചിട്ടുണ്ട്. ഡക്ക് വർത്ത് ലൂയിസ് നിയമ പ്രകാരം ഇന്ത്യ പാർ സ്‌കോർ കടന്നിട്ടുണ്ട്. മത്സരം 20 ഓവറാക്കി ചുരുക്കിയാൽ ഇന്ത്യയുടെ വിജയലക്ഷ്യം 124 ആക്കും. അങ്ങനെയെങ്കിൽ 4.2 ഓവറിൽ ഇന്ത്യക്ക് 24 റൺസ് നേടിയാൽ മതിയാകും.ഇനി മത്സരം റദ്ദാക്കിയാൽ പോയിന്റുകൾ വീതംവയ്‌ക്കും.
