ശരിയത്ത് നിയമങ്ങൾക്ക് ഏറെ പ്രാധാന്യം നൽകുന്ന , തികഞ്ഞ മുസ്ലീം രാഷ്ട്രമാണ് പാകിസ്താൻ. എന്നാൽ അവിടെയും സർക്കാർ പോലും ഭയപ്പെടുന്ന ചില ഹിന്ദുമത വിശ്വാസികൾ ഉണ്ട് . പാകിസ്താനിലെ ഏറ്റവും ശക്തരായ അവരുടെ മുന്നിൽ സംസാരിക്കാൻ പോലും അവിടത്തെ ഭരണകൂടത്തിന് ഭയമാണ് . റാണാ ചന്ദ്ര സിംഗ് ആണ് ഇവരിൽ ഒന്നാം സ്ഥാനത്ത്.
പാകിസ്താനിലെ സിന്ധ് പ്രവിശ്യയിൽ നിന്നുള്ള ഹിന്ദു നേതാവാണ് റാണ ചന്ദ്ര സിംഗ്. 1977 മുതൽ 1999 വരെ ‘പാകിസ്താൻ പീപ്പിൾസ് പാർട്ടി’ ടിക്കറ്റിൽ 7 തവണ ദേശീയ അസംബ്ലി അംഗമായി തിരഞ്ഞെടുക്കപ്പെട്ട അദ്ദേഹം ഏറെ ശക്തനാണ്. പാകിസ്താൻ സർക്കാരിൽ പോലും അതീവ സ്വാധീനം ചെലുത്താൻ ശേഷിയുമുണ്ട് റാണ ചന്ദ്ര സിംഗിന് .
രണ്ടാം സ്ഥാനത്ത് ഡോ. ഖതുമാൽ ജീവനാണ്. ലാഹോർ മുതൽ കറാച്ചി വരെയുള്ള ജനങ്ങളുടെ നേതാവാണ് രാഷ്ട്രീയക്കാരൻ കൂടിയായാ ഖതുമൽ ജീവൻ. പാകിസ്താൻ പീപ്പിൾസ് പാർട്ടിയുടെ (പിപിപി) പട്ടികജാതി ഹിന്ദു സെനറ്റർ കൂടിയാണ് അദ്ദേഹം . ഖതുമാൽ ജീവൻ പാകിസ്താൻ ദേശീയ അസംബ്ലിയിലേക്ക് 3 തിരഞ്ഞെടുപ്പുകളിൽ മത്സരിക്കുകയും ദേശീയ അസംബ്ലിയിൽ അംഗമാവുകയും ചെയ്തു.
പർവീൺ റിസ്വി എന്ന സംഗീത മൂന്നാം സ്ഥാനത്താണ്. പാക് നടിയും സംവിധായികയുമാണ് സംഗീത. നിക്കാഹ് (1998), മുത്തി ഭർ ചവൽ (1978), അമൻ (1971), നാം മേരാ ബദ്നാം (1984) തുടങ്ങിയ ബിഗ് ബജറ്റ് ചിത്രങ്ങളിൽ സംഗീത പ്രവർത്തിച്ചിട്ടുണ്ട് .
റീത്ത ഈശ്വറാണ് നാലാം സ്ഥാനത്ത്. പാകിസ്താൻ മുസ്ലീം ലീഗുമായി (എഫ്) ബന്ധപ്പെട്ട രാഷ്ട്രീയ പ്രവർത്തകയാണ് റീത്ത ഈശ്വർ. 2013 ജൂൺ മുതൽ 2018 മെയ് വരെ പാകിസ്താൻ ദേശീയ അസംബ്ലിയിലും അവർ അംഗമായിരുന്നു. പാകിസ്താനിലെ ഏറ്റവും ധനികയായ വനിതാ രാഷ്ട്രീയക്കാരി കൂടിയാണ് റീത്ത
നവീൻ പർവാനി അഞ്ചാം സ്ഥാനത്താണ്. പാകിസ്താനിലെ പ്രശസ്ത സ്നൂക്കർ കളിക്കാരനാണ് നവീൻ പർവാനി. 2006 ഡിസംബറിൽ ഖത്തറിലെ ദോഹയിൽ നടന്ന ഏഷ്യൻ ഗെയിംസിൽ നവീൻ പാകിസ്താനെ പ്രതിനിധീകരിച്ചു.