അങ്കമാലി: കനത്ത മഴയെ തുടർന്ന് അങ്കമാലിയിൽ കടയുടെ മേൽക്കൂര തകർന്ന് കാറിന് മുകളിൽ വീണു. ഇന്ന് വൈകീട്ടാണ് അപകടം. സിവിആർ ട്രേഡ് സെന്ററിൽ പ്രവർത്തിക്കുന്ന വ്യാപാര സ്ഥാപനത്തിന്റെ മേൽക്കൂര താഴെ പാർക്ക് ചെയ്തിരുന്ന കാറിന് മുകളിലേക്ക് പതിക്കുകയായിരുന്നു. സമീപത്തെ കടയിലെ സെക്യൂരിറ്റി ജീവനക്കാരൻ തലനാരിഴയ്‌ക്കാണ് രക്ഷപ്പെട്ടത്. രക്ഷപ്പെട്ടത്. കൂടാതെ കാറിൽ യാത്രക്കാർ ഇല്ലാതിരുന്നതും വലിയ ദുരന്തം ഒഴിവാക്കി. മേൽക്കൂര വീണ് സമീപത്ത് പാർക്ക് ചെയ്തിരുന്ന ബൈക്കുകൾക്കും നാശനഷ്ടം സംഭവിച്ചു.
കനത്ത മഴയെ തുടർന്ന് നിരവധി കടകളിലും അങ്കമാലി മാർക്കറ്റ് റോഡിലും വെള്ളം കയറി സാധനങ്ങൾ നശിക്കുകയും ഗതാഗതം സ്തംഭിക്കുകയും ചെയ്തു. അങ്കമാലി മാർക്കറ്റ് റോഡ് താൽക്കാലികമായി അടച്ചിരിക്കുകയാണ്.
