ആരാധകരുടെ വിമര്ശനത്തില് മനംനൊന്ത് സോഷ്യല് മീഡിയയില് നിന്ന് പിന്മാറാന് ഒരുങ്ങി പാക് ഓള്റൗണ്ടര് ഷദാബ് ഖാന്. ലോകകപ്പില് ദയനീയ പ്രകടനം തുടരുന്ന പാകിസ്താന് ടീമിലെ താരത്തിനും കാര്യമായ സംഭാവനകള് ടീമിനായി ഇതുവരെയും നല്കാന് കഴിഞ്ഞിട്ടില്ല.
ഹാട്രിക് തോല്വിയില് ഉഴലുന്ന പാകിസ്താന് ഇന്ന് ദക്ഷിണാഫ്രിക്കയെ നേരിടുകയാണ്. നിലവില് പോയിന്റ് ടേബില് ആറാം സ്ഥാനത്താണ് പാക് നിര. ‘ഞാന് സോഷ്യല് മീഡിയയില് നിന്ന് ഇടവേളയെടുക്കുന്നു. നിങ്ങള് നന്നായി കളിച്ചാല് എല്ലാവരും പറയും അവന് മികച്ച പ്രകടനം നടത്തുന്നു.
എന്നാല് പ്രകടനം തുടര്ന്നില്ലെങ്കില് അതേ ആള് തന്നെ പറയും അവനെക്കൊണ്ടൊന്നും പറ്റില്ലെന്ന്. അപ്പോള് ടീമിലില്ലാത്ത ആരെങ്കിലുമാകും അവര്ക്ക് മികച്ച താരം. ടീമിലുള്ളവര് അവര്ക്ക് പാഴുകളുമാകും.ടീമെന്ന നിലിയില് ഞങ്ങള് ഒറ്റക്കെട്ടാണ്. നമ്മള് ഒരു തിരിച്ചുവരവിനാണ് ശ്രമിക്കുന്നത്. അവര്ക്ക് നമ്മളെക്കുറിച്ച് പറയാം കാരണം നമ്മുടെ പ്രകടനം അത്ര നല്ലതല്ല. ഞങ്ങളത് അംഗീകരിക്കും’. -ഷദാബ് പറഞ്ഞു.
