തൃശൂർ: ജീവനക്കാർ കൂട്ടത്തോടെ വിവാഹത്തിന് പോയതിനാൽ തൃശൂർ ചേലക്കര പഴയന്നൂർ ഗ്രാമപഞ്ചായത്തിന്റെ പ്രവർത്തനം നിലച്ചു. പഞ്ചായത്ത് സെക്രട്ടറിയുടെ മകന്റെ കല്യാണത്തിന് പങ്കെടുക്കാൻ വേണ്ടിയായിരുന്നു ഉദ്യോഗസ്ഥർ പോയത്. രാവിലെയെത്തി ഹാജർ രേഖപ്പെടുത്തിയതിന് ശേഷം ജീവനക്കാർ മുങ്ങുകയായിരുന്നു. പ്രവൃത്തി ദിനമായ ഇന്ന് എല്ലാ ജീവനക്കാരും കൂട്ടത്തോടെ പോയതോടെ പഞ്ചായത്തിന്റെ പ്രവർത്തനം പൂർണ്ണമായും സ്തംഭിച്ചു. വിവിധ ആവശ്യങ്ങൾക്കായി പഞ്ചായത്തിൽ എത്തിയവർ ഉദ്യോഗസ്ഥരില്ലാത്തതിനാൽ വലഞ്ഞു.