കൊച്ചി : മാദ്ധ്യമപ്രവർത്തക ഉന്നയിച്ച ആരോപണത്തിൽ നടനും, മുൻ എം പി യുമായിരുന്ന സുരേഷ്ഗോപിയ്ക്ക് പിന്തുണയുമായി സംഗീത സംവിധായകൻ വിജയ് മാധവ് . ഉറക്കം നടിക്കുന്നവരെ ഉണർത്താൻ ദൈവം വിചാരിച്ചാലും ബുദ്ധിമുട്ടാവുമെന്നും സ്വാമി വിവേകാനന്ദൻ പറഞ്ഞ വാക്കുകൾ ഓർമയുള്ളത് കൊണ്ട് ഒന്നും പറയാൻ പറ്റുന്നില്ലെന്നുമാണ് വിജയ് മാധവ് കുറിക്കുന്നത്
‘ സ്വാമി വിവേകാനന്ദൻ പറഞ്ഞ വാക്കുകൾ ഓർമയുള്ളത് കൊണ്ട് ഒന്നും പറയാൻ പറ്റുന്നില്ല . ഉറക്കം നടിക്കുന്നവരെ ഉണർത്താൻ ദൈവം വിചാരിച്ചാലും ബുദ്ധിമുട്ടാവും . ഇത്രെയെങ്കിലും പറഞ്ഞില്ലെങ്കിൽ ഞാൻ എന്നോട് തന്നെ ചെയ്യുന്ന ഏറ്റവും വലിയ തെറ്റായി പോവും !!! എല്ലാവർക്കും ഒരുപാട് സ്നേഹം സന്തോഷം , ശുഭരാത്രി ‘ എന്നാണ് അദ്ദേഹത്തിന്റെ കുറിപ്പ് .
ഒപ്പം ഭാര്യ ദേവിക നമ്പ്യാരും സുരേഷ്ഗോപി , ഭാര്യ രാധിക സുരേഷ് എന്നിവർക്കുമൊപ്പമുള്ള ചിത്രവും അദ്ദേഹം പങ്ക് വച്ചിട്ടുണ്ട് .