ഫിദ എന്ന ചിത്രത്തിലൂടെ മലയാളികളുടെ മനം കവർന്ന നടൻ വരുൺ തേജും ലാവണ്യ ത്രിപാഠിയും വിവാഹിതരാകുന്നു. വർഷങ്ങളായുള്ള പ്രണയത്തനൊടുവിലാണ് തെലുങ്ക് താരങ്ങളായ വരുൺ- ലാവണ്യ വിവാഹം സഫലമാകാൻ ഒരുങ്ങുന്നത്. 2017ൽ ‘മിസ്റ്റർ’ എന്ന തെലുങ്ക് ചിത്രത്തിന്റെ ഷൂട്ടിങ്ങിനിടെയാണ് വരുണും ലാവണ്യയും ആദ്യമായി കണ്ടുമുട്ടുന്നത്. തുടർന്ന് ഇരുവരും പ്രണയത്തിലാകുകയായിരുന്നു.
View this post on Instagram
നവംബർ ഒന്നിനാണ് ഇരുവരും വിവാഹിതരാകുന്നത്. ഇറ്റലിയിലെ ടസ്കാനിയാണ് വിവാഹത്തിന് വേദിയാവുന്നത്. നിലവിൽ തേജും ലാവണ്യയും കുടുംബത്തോടൊപ്പം ഇറ്റലിയിലാണ്. ടസ്കാനിയിൽ വച്ച് ലാവണ്യ പകർത്തിയ ചിത്രങ്ങളും വരുൺ സമൂഹമാദ്ധ്യമത്തിലൂടെ പങ്കുവച്ചിട്ടുണ്ട്. തേജും ലാവണ്യയും ടസ്കാനിയിലെ ബോർഗോ സാൻ ഫെലിസ് റിസോർട്ടിൽവച്ച് വിവാഹിതരാകുന്നത്. വിവാഹത്തിന് മുന്നോടിയായുള്ള ആഘോഷങ്ങൾ ഒക്ടോബർ 30ന് ആരംഭിക്കും. ഇറ്റലിയിൽ വെച്ച് നടക്കുന്ന വിവാഹ ചടങ്ങുകൾക്ക് ശേഷം നവംബർ 5ന് ഹൈദരാബാദിൽ റിസപ്ഷൻ സംഘടിപ്പിക്കുമെന്നാണ് റിപ്പോർട്ട്. ഹൈദരാബാദിൽ താരങ്ങളും കുടുംബവും ഗംഭീര സ്വീകരണം നൽകുമെന്നാണ് റിപ്പോർട്ട്.
View this post on Instagram
വരുണിന്റെ ബന്ധുവായ അല്ലു അർജുനും കുടുംബവും വരുണിന്റെ പിതൃസഹോദരൻ പവൻ കല്യാണും ഭാര്യ അന്ന ലെഷ്നേവയും വിവാഹ ആഘോഷങ്ങൾക്ക് മുമ്പിൽ തന്നെയുണ്ട്. നേരത്തെ അല്ലു സിരീഷിന്റെ വീട്ടിൽ നടന്ന ആഘോഷങ്ങളുടെ ചിത്രങ്ങളും സാമൂഹ്യ മാദ്ധ്യമങ്ങളിൽ വൈറലായിരുന്നു. ചിരഞ്ജീവി, അല്ലു അർജുൻ, നിതിൻ, സ്നേഹ റെഡ്ഡി, അല്ലു സിരീഷ്, പഞ്ച വൈഷ്ണവ് തേജ്, സായ് ധരം തേജ്, നിഥിന്റെ ഭാര്യ ശാലിനി, റിതു വർമ്മ, രാം ചരണിന്റെ ഭാര്യ ഉപാസന, നിഹാരിക കൊൻഡേല എന്നിവർ ചടങ്ങിൽ പങ്കെടുത്തു. എന്നാൽ രാം ചരണിന് പാർട്ടിയിൽ പങ്കെടുക്കാനായില്ല.
View this post on Instagram
