ലഖ്‌നൗ: ഇന്ത്യന്‍ ബാറ്റിംഗ് നിര പരീക്ഷിക്കപ്പെട്ട മത്സരത്തില്‍ ഇന്ത്യക്കെതിരെ ഇംഗ്ലണ്ടിന് 230 റണ്‍സിന്റെ വിജലക്ഷ്യം. 50 ഓവറില്‍ എട്ടുവിക്കറ്റ് നഷ്ടത്തില്‍ 229 റണ്‍സാണ് ഇന്ത്യക്ക് സ്‌കോര്‍ ചെയ്യാനായത്. മദ്ധ്യനിരയില്‍ ഇറങ്ങി 49 റണ്‍സടിച്ച സൂര്യകുമാര്‍ യാദവിന്റെ പ്രകടനമാണ് ഇന്ത്യയെ 200 കടത്തിയത്. 101 പന്തുകള്‍ നേരിട്ട് മൂന്ന് സിക്സും 10 ഫോറുമടക്കം 87 റണ്‍സെടുത്ത ക്യാപ്റ്റന്‍ രോഹിത് ശര്‍മയാണ് ഇന്ത്യയുടെ ടോപ് സ്‌കോറര്‍.
47 പന്തുകള്‍ നേരിട്ട സൂര്യ ഒരു സിക്സും നാല് ബൗണ്ടറിയുമടക്കമാണ് 49 റണ്‍സെടുത്തത്.46-ാം ഓവറില്‍ താരം പുറത്തായില്ലായിരുന്നെങ്കില്‍ ഇന്ത്യന്‍ സ്‌കോര്‍ 250 കടക്കുമായിരുന്നു. രോഹിത്തിനും സൂര്യയ്‌ക്കും പുറമെ ഇന്ത്യന്‍ നിരയില്‍ രണ്ടക്കം കടന്നത കെ.എല്‍ രാഹുലും ജസ്പ്രീത് ബുമ്രയും മാത്രമാണ്. ഇംഗ്ലണ്ടിനായി ഡേവിഡ് വില്ലി മൂന്നും വോക്സും റഷീദും രണ്ട് വിക്കറ്റുകള്‍ വീതവും വീഴ്‌ത്തി.
നാലാം വിക്കറ്റില്‍ ഒന്നിച്ച രാഹുല്‍-രോഹിത് സഖ്യമാണ് ഇന്ത്യയെ വലിയ തകര്‍ച്ചയില്‍ നിന്ന് കരകയറ്റിയത്. 91 റണ്‍സ് ഈ കൂട്ടുകെട്ടില്‍ പിറന്നത്. 31-ാം ഓവറില്‍ രാഹുലിനെ വീഴ്‌ത്തി ഡേവിഡ് വില്ലിയാണ് ഈ കൂട്ടുകെട്ട് പൊളിച്ചത്. 39 റണ്‍സെടുത്താണ് രാഹുല്‍ പുറത്തായത്.ജസ്്പ്രീത് ബുമ്ര 16, കുല്‍ദീപ് 9, ജഡേജ 8. ഗില്‍ 9, കോലി 0, അയ്യര്‍ 4, ഷമി 1, എന്നിവരാണ് പുറത്തായ മറ്റു ബാറ്റര്‍മാര്‍.
