ഫുട്ബോള് പുരസ്കാരത്തിന്റെ 67-ാം വാര്ഷികത്തില് 2023ലെ ബാലന് ദി ഓര് പുരസ്കാര ജേതാക്കളെ അറിയാം. ചെല്സിയുടെ ഇതിഹാസം ദിദിയര് ദ്രോഗ്ബയാണ് അവതാരകനായെത്തിയത്. സ്പെയിനിന്റെ മധ്യനിരതാരം ഐതാന ബോണ്മാറ്റിയാണ് മികച്ച വനിതാ താരം. ബാഴ്സലോണയിലെയും സ്പെയിനിലെയും മികച്ച പ്രകടനമാണ് ഐതാനയെ ഈ നേട്ടത്തിലെത്തിച്ചത്.
മികച്ച ഗോള്കീപ്പര്ക്കുള്ള ലെവ് യാഷിന് ട്രോഫി അര്ജന്റീനയുടെ എമിലിയാനോ മാര്ട്ടിനെസിന് ലഭിച്ചു. ലോകകപ്പിലെ മിന്നും സേവുകളാണ് താരത്തിനെ മികച്ച ഗോള് കീപ്പറാക്കിയത്. ഇംഗ്ലണ്ടിന്റെ ജൂഡ് ബെല്ലിങ്ഹാമിനെ മികച്ച യുവതാരമായി തിരഞ്ഞെടുത്തു. ജമാല് മുസ്യാലയെ മറികടന്നാണ് കോപ്പ ട്രോഫി ഈ റയല് മാഡ്രിഡ് താരം നേടുന്നത്.
മികച്ച സ്ട്രൈക്കര്ക്കുള്ള ഗെര്ഡ് മുള്ളര് ട്രോഫി എര്ലിംഗ് ഹാലണ്ടിനും ലഭിച്ചു. കഴിഞ്ഞ സീസണില് മാഞ്ചസ്റ്റര് സിറ്റിയെ ഹാട്രിക് കിരീടത്തിലേക്ക് നയിച്ചത് എര്ലിംഗ് ഹാലന്ണ്ടിന്റെ ഗോളടി മികവായിരുന്നു. ഹാലന്ഡ് 53 കളിയില് 52 ഗോള് നേടിയപ്പോള് യുവേഫ ചാമ്പ്യന്സ് ലീഗ്, എഫ് എ കപ്പ്, പ്രീമിയര് ലീഗ് കിരീടങ്ങള് സിറ്റിയുടെ ഷെല്ഫിലെത്തി. സോക്രട്ടീസ് പുരസ്കാരം വിനീഷ്യസ് ജൂനിയറും നേടി. മികച്ച പുരുഷ ക്ലബ് മാഞ്ചസ്റ്റര് സിറ്റിയും വനിതാ ക്ലബ് ബാഴ്സലോണ എഫ്.സി.യുമാണ്.