തിരുവനന്തപുരം: അഖില കേരള തന്ത്രി മണ്ഡലം തിരുവനന്തപുരം ജില്ലാ മണ്ഡലം അഷ്ടൈശ്വര്യ മഹായജ്ഞവും ശ്രീചക്ര പൂജയും സംഘടിപ്പിച്ചു. പുഷ്പാഞ്ജലി സ്വാമിയാർ പൂജനീയ കിഴക്കേമഠം പരമേശ്വര ബ്രഹ്മാനന്ദ തീർത്ഥ സ്വാമിയാരുടെ ആശീർവാദത്തോടെ നടന്നു.
മഹായജ്ഞത്തിന്റെ ഭാഗമായി അഷ്ടദ്രവ്യ മഹാഗണപതി ഹോമം, നവഗ്രഹ ദോഷപരിഹാര ഹോമ പൂജകൾ, ശ്രീചക്ര പൂജ എന്നിവയും നടന്നു. വിവിധ തന്ത്രി മുഖ്യന്മാരും അഷ്ടൈശ്വര്യ മഹായജ്ഞത്തിന്റെയും ശ്രീചക്ര പൂജയുടെയും ഭാഗമായി.
അതേസമയം അഖില കേരള തന്ത്രി മണ്ഡലം തിരുവനന്തപുരം ജില്ലാ മണ്ഡലത്തിന്റെ ഒൻപതാമത് വാർഷിക സമ്മേളനവും ആചാര്യ കുടുംബസംഗമവും നടന്നു. മുഞ്ചിറമഠം മൂപ്പിൽ സ്വാമിയാർ കിഴക്കേമഠം പരമേശ്വര ബ്രഹ്മാനന്ദ തീർത്ഥ സ്വാമിയാർ സമ്മേളനം ഉദ്ഘാടനം ചെയ്തു. ‘ബ്രഹ്മസ്വവും പോയി ദേവസ്വവും പോയി, ഇനി കൈമുതലായുള്ളത് ഭക്തരുടെ വിശ്വാസം മാത്രമാണ്’- എന്ന് അദ്ദേഹം പറഞ്ഞു.
സമ്മേളനത്തിൽ ശബരിമല മുൻ മേൽശാന്തിയായിരുന്ന വാഴയിൽ മഠം വി.കെ. ശങ്കരൻ നമ്പൂതിരിയുടെ പേരിലുള്ള സ്മൃതി പുരസ്കാരം മുൻ ശബരിമല മേൽശാന്തി എൻ. ബാലമുരളിക്ക് കിഴക്കേമഠം പരമേശ്വര ബ്രഹ്മാനന്ദ തീർത്ഥ സ്വാമിയാർ സമ്മാനിച്ചു.
