വാഷിംഗ്ടണ്; ഹാമാസ് ഭീകരരുടെ ആക്രമണത്തില് ഇസ്രായേലിന് പിന്തുണ ഉറപ്പാക്കാന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന് ഇസ്രായേല് സന്ദര്ശിക്കും. വെള്ളിയാഴ്ചയാണ് അദ്ദേഹം ഇസ്രായേലില് എത്തുക. ‘ഇസ്രായേല് സര്ക്കാര് അംഗങ്ങളുമായുള്ള കൂടിക്കാഴ്ചകള്ക്കായി സെക്രട്ടറി ബ്ലിങ്കന് വെള്ളിയാഴ്ച ഇസ്രയേലിലേക്ക് പോകും, പ്രശ്നബാധിത മേഖലകളും സന്ദര്ശിക്കും- സ്റ്റേറ്റ് ഡിപ്പാര്ട്ട്മെന്റ് വക്താവ് മാത്യു മില്ലര് ചൊവ്വാഴ്ച മാദ്ധ്യമങ്ങളോട് പറഞ്ഞു. ഇസ്രായേല് സര്ക്കാര് ഉദ്യോഗസ്ഥരെ ഉദ്ധരിച്ച് ഇസ്രായേല് മാദ്ധ്യമങ്ങള് ഇക്കാര്യം നേരത്തെ റിപ്പോര്ട്ട് ചെയ്തിരുന്നു.
ഹമാസ് തീവ്രവാദികളുടെ അപ്രതീക്ഷിത ആക്രമണത്തിന് ദിവസങ്ങള്ക്ക് ശേഷം, അമേരിക്കന് പിന്തുണയുടെ അറിയിക്കാനായിരുന്നു അദ്ദേഹം നേരത്തെ ഇസ്രായേലില് എത്തിയത്. ഹമാസ് ഭീകരര്ക്കെതിരെ തുടരുന്ന ആക്രമണങ്ങള്ക്ക് അമേരിക്കയുടെ പൂര്ണ പിന്തുണയുണ്ടാകുമെന്ന് ഉറപ്പ് നല്കുകയാണ് സന്ദര്ശനത്തിന്റെ ലക്ഷ്യം.
ഒക്ടോബര് 18ന് അമേരിക്കന് പ്രസിഡന്റ് ജോ ബൈഡനൊപ്പം ഒരു ദിവസത്തെ ടെല് അവീവ് സന്ദര്ശനത്തിനിടെ ഇസ്രായേല് സര്ക്കാര് ഉദ്യോഗസ്ഥരുമായും ഹമാസ് ഭീകരരുടെ ആക്രമണത്തിന് ഇരയായവരുമായും കൂടിക്കാഴ്ചകള് നടത്തിയിരുന്നു.
ഹമാസ് ഭീകരര് അതിര്ത്തി കടന്ന് നടത്തിയ ആക്രമണത്തില് 1400 ലധികം പേര് കൊല്ലപ്പെട്ടപ്പോള് 230 ലധികം പേര് ബന്ദികളാക്കപ്പെട്ടു. ഇതില് അമേരിക്കന് പൗരന്മാരും ഉള്പ്പെടും.
