മാളികപ്പുറം, പത്താംവളവ്, നൈറ്റ് ഡ്രൈവ് തുടങ്ങി ഹിറ്റ് ചിത്രങ്ങളുടെ തിരക്കഥാകൃത്താണ് അഭിലാഷ് പിള്ള. മാളികപ്പുറം എന്ന വമ്പൻ ഹിറ്റിന് ശേഷം അടുത്ത സിനിമയുടെ പണിപ്പുരയിലാണ് അദ്ദേഹം. ഇപ്പോഴിതാ സോഷ്യൽ മീഡിയയിൽ വൈറലായി മാറിയിരിക്കുകയാണ് അഭിലാഷ് പിള്ളയുടെ പുത്തൻ മെയ്ക്ക് ഓവർ.
‘ഫോട്ടോ ലാബ് ആണോ എന്ന സംശയത്തിന് ഉത്തരം’ എന്ന തലക്കെട്ടോടെയാണ് കിടിലൻ മെയ്ക്ക് ഓവർ വീഡിയോ അദ്ദേഹം പുറത്തുവിട്ടിരിക്കുന്നത്.
https://www.instagram.com/reel/CzMTnxoPYwv/?utm_source=ig_web_copy_link
കഴിഞ്ഞ ദിവസമാണ് അദ്ദേഹം തന്റെ സോഷ്യൽ മീഡിയ അക്കൗണ്ടുകളിൽ പുതിയ സ്റ്റൈലിഷ് ലുക്കിലുള്ള ചിത്രങ്ങൾ പോസ്റ്റ് ചെയ്തത്. പോസ്റ്റ് ചെയ്ത് നിമിഷങ്ങൾക്കകം വൈറലായി മാറിയ ചിത്രങ്ങളുടെ താഴെ നിരവധി കമന്റുകളാണ് വന്നത്.
ഫോട്ടോ ലാബ് ചിത്രങ്ങൾ ആണോ എന്നായിരുന്നു മിക്ക കമന്റുകളും. ഇതിന് പിന്നാലെ തന്റെ മെയ്ക്ക് ഓവർ വീഡിയോ അദ്ദേഹം പുറത്തുവിടുകയായിരുന്നു.