ശ്രീനഗർ : സൈനികർക്ക് ആത്മവീര്യവുമായി കശ്മീർ അതിർത്തിയിൽ ഛത്രപതി ശിവാജി മഹാരാജിന്റെ പ്രതിമ . ജമ്മു കശ്മീരിന്റെ അതിർത്തിയിലുള്ള കുപ്വാരയിലാണ് ഛത്രപതി ശിവാജി മഹാരാജിന്റെ പ്രതിമ സ്ഥാപിക്കുക . കഴിഞ്ഞ ദിവസമാണ് പൂജ കഴിച്ച ശേഷം ഛത്രപതിയുടെ പ്രതി കുപ്വാരയിലെത്തിയത് . പ്രതിമ ഇന്ത്യൻ സൈനികർ ആദരവോടെ ഏറ്റുവാങ്ങി.
സാംസ്കാരിക മന്ത്രി സുധീർ മുൻഗന്തിവാറിന്റെ സഹകരണത്തോടെ “വീ ആർ പുനേക്കർ” എന്ന സംഘടനയാണ് ഈ പ്രതിമ സ്ഥാപിക്കുന്നത്. കുപ്വാരയിലെ ഇന്ത്യൻ സൈനിക ക്യാമ്പിലാണ് പത്തര അടി ഉയരമുള്ള പ്രതിമ സ്ഥാപിക്കുക .
ഛത്രപതി ശിവാജി മഹാരാജിന്റെ പ്രതിമ സൈന്യത്തിന്റെ ആത്മവീര്യം വർധിപ്പിക്കും. ഡൽഹിയിലെ മഹാരാഷ്ട്ര സദനിൽ നിന്ന് റസിഡന്റ് കമ്മീഷണറും പ്രിൻസിപ്പൽ സെക്രട്ടറിയുമായ രൂപീന്ദർ സിംഗാണ് പ്രതിമ കുപ്വാരയിലേക്ക് അയച്ചത്. ഒക്ടോബർ 20ന് ഗവർണർ രമേഷ് ബായിസിന്റെയും മുഖ്യമന്ത്രി ഏകനാഥ് ഷിൻഡെയുടെയും സാന്നിധ്യത്തിൽ പ്രതിമ മുംബൈയിൽ നിന്ന് പുറപ്പെട്ടു. ഛത്രപതി ശിവജിയുടെ വാളിനെ പാകിസ്താനും ഭയപ്പെടുമെന്ന് മുഖ്യമന്ത്രി ഏകനാഥ് ഷിൻഡെ പറഞ്ഞു.
