മുംബൈ : 500 വർഷത്തെ പോരാട്ടത്തിനൊടുവിൽ ബിജെപി സർക്കാരിന്റെ ബിജെപി സർക്കാരിന്റെ ഏറ്റവും വലിയ വിജയമായ രാമക്ഷേത്രം ഇന്ത്യ കാണാൻ പോകുന്നതെന്ന് നടി കങ്കണ റണാവത്ത് .തേജസ് എന്ന ചിത്രത്തിന്റെ റിലീസിന് ശേഷം കങ്കണ ഗുജറാത്തിലെ പ്രശസ്തമായ ദ്വാരകയിലെ ജഗത് മന്ദിറിലെത്തിയിരുന്നു.
ദ്വാരകാധീഷ് ക്ഷേത്രത്തിലെത്തിയ കങ്കണ ദർശനത്തിന് ശേഷം മാദ്ധ്യമങ്ങളോട് സംസാരിക്കവെ ലോക്സഭാ തെരഞ്ഞെടുപ്പിൽ മത്സരിക്കുമെന്ന സൂചനയും നൽകി. ഭഗവാൻ ശ്രീകൃഷ്ണന്റെ ഇച്ഛ അതാണെങ്കിൽ താൻ ലോക്സഭാ തിരഞ്ഞെടുപ്പിൽ മത്സരിക്കുമെന്നായിരുന്നു കങ്കണ പറഞ്ഞത് .രാമക്ഷേത്രത്തെക്കുറിച്ചും കങ്കണ പരാമർശിച്ചു .500 വർഷത്തെ പോരാട്ടത്തിനൊടുവിൽ ബിജെപി സർക്കാരിന്റെ ഏറ്റവും വലിയ പ്രവർത്തനമാണ് , വിജയമാണ് ഇന്ത്യ ഇന്ന് കാണാൻ പോകുന്നത്. കൊട്ടിഘോഷിച്ച് ഈ ക്ഷേത്രം സ്ഥാപിക്കും. സനാതനത്തിന് ഇതൊരു വലിയ ആഘോഷമാണ്. സനാതധർമ്മത്തിന്റെ പതാക ലോകമെമ്പാടും പറക്കട്ടെ എന്ന് നമുക്ക് പ്രത്യാശിക്കാം. – കങ്കണ പറഞ്ഞു.
ദ്വാരകാധീഷ് ക്ഷേത്രം സന്ദർശിക്കുന്നതിന്റെ ചിത്രങ്ങൾ കങ്കണ ഇൻസ്റ്റായിൽ പങ്കുവച്ചിട്ടുണ്ട്. ദിവസങ്ങളോളം താൻ അസ്വസ്ഥയായിരുന്നുവെന്നും പക്ഷേ ഈശ്വര ദർശനം കഴിഞ്ഞതോടെ മനസ്സിന് സമാധാനം ലഭിച്ചുവെന്നും കങ്കണ കുറിച്ചു.
‘ കുറച്ച് ദിവസങ്ങളായി എന്റെ ഹൃദയം വല്ലാതെ അസ്വസ്ഥമായിരുന്നു, ദ്വാരകാധീഷ് സന്ദർശിക്കാൻ എനിക്ക് തോന്നി. ശ്രീകൃഷ്ണന്റെ ഈ ദിവ്യനഗരിയായ ദ്വാരകയിൽ വന്നയുടനെ, എന്റെ ആശങ്കകളെല്ലാം തകർന്ന് എന്റെ കാൽക്കൽ വീണതുപോലെ തോന്നി. എന്റെ മനസ്സ് സ്ഥിരമായി, എനിക്ക് അനന്തമായ സന്തോഷം തോന്നി. ദ്വാരകയുടെ നാഥാ, അങ്ങയുടെ അനുഗ്രഹം ഇതുപോലെ സൂക്ഷിക്കുക. ഹരേ കൃഷ്ണ.‘ – കങ്കണ കുറിച്ചു
