കൊൽക്കത്ത: ഈഡൻ ഗാർഗൻസിൽ നായകൻ രോഹിത് ശർമ്മ നൽകിയ തുടക്കം മുതലാക്കി ടീം ഇന്ത്യ. ടോസ് നേടി ബാറ്റിംഗ് തിരഞ്ഞെടുത്ത തീരുമാനം അക്ഷരം പ്രതി ശരിയാണെന്ന് ഉറപ്പിക്കുന്നതായിരുന്നു ഓപ്പണർമാരുടെ ബാറ്റിംഗ്് അഞ്ചോവറിൽ 60 റൺസാണ് ഗില്ലും രോഹിതും ചേർന്ന് അടിച്ചുകൂട്ടിയത്. 24 പന്തിൽ 40 റൺസുമായി ഹിറ്റ് മാനും 23 റൺസുമായി ഗില്ലും മടങ്ങുമ്പോൾ മികച്ചൊരു തുടക്കമായിരുന്നു ഇന്ത്യക്ക് ലഭിച്ചത്. തുടർന്ന് ക്രീസിലെത്തിയ കോലിയും ശ്രേയസും കരുതലോടെയാണ് ഇന്നിംഗ്സ് തുടങ്ങിയത്.
താളം കണ്ടെത്തിയതോട ഇരുവരും കത്തിക്കയറി. പിറന്നാളുകാരൻ കോലി ആദ്യം അർദ്ധ ശകതം പൂർത്തിയാക്കിയതിന് പിന്നാലെ ശ്രേയസും ഹാഫ് സെഞ്ച്വറി തികച്ചു. താരത്തിന്റെ തുടർച്ചയായ രണ്ടാം 50 ആണിത്. 103 റൺസിന്റെ കൂട്ട്കെട്ടാണ് ഇരുവരും ചേർന്ന് ഇതുവരെ ഉയർത്തിയത്.
കേശവ് മഹാരജിനും കഗീസോ റബാദയ്ക്കുമാണ് വിക്കറ്റുകൾ ലഭിച്ചത്. 33 ഓവറിൽ 2 വിക്കറ്റ് 200 റൺസ് എന്ന നിലയിലാണ് ഇന്ത്യ. പോയിന്റ് ടേബിളിലെ ആദ്യ രണ്ടു പേരുകാരാണ് ഇന്ന് ഏറ്റുമുട്ടുന്നത്. ജയിക്കുന്നവർ വീണ്ടും തലപ്പത്ത് കയറും.
