തിരുവനന്തപുരം: നടനും സുഹൃത്തുമായ സുരേഷ് ഗോപിക്കെതിരെ താന് പറഞ്ഞെന്ന തരത്തില് വരുന്ന നുണ പ്രചരണങ്ങള്ക്കെതിരെ തുറന്നടിച്ച് സംവിധായകന് ഷാജി കൈലാസ്. ഫേസ്ബുക്ക് പോസ്റ്റിലൂടെയാണ് സംവിധായകന് രൂക്ഷമായ ഭാഷയിലൂടെ പ്രതികരിച്ചത്. ദുഷ് പ്രചരണത്തിന്റെ ഭാഗമായി പടച്ചുവിട്ട ഒരു ചിത്രവും താരം പങ്കുവച്ചിട്ടുണ്ട്. ഷാജി കൈലാസിന്റെ പോസ്റ്റിന് വലിയ രീതിയിലുള്ള പിന്തുണയാണ് ലഭിക്കുന്നത്.
‘കമ്മീഷണറില് തുടങ്ങിയതല്ല ഞാനും സുരേഷും തമ്മിലുളള ആത്മബന്ധം. സിനിമയിലേക്ക് വന്ന അന്ന് മുതല് ഞങ്ങള് സുഹൃത്തുക്കളാണ്. അതിന്റെ ആഴവും വ്യാപ്തിയും എന്താണെന്ന് ഞങ്ങള് രണ്ടുപേര്ക്കും അറിയാം. അന്നും ഇന്നും സഹജീവി സ്നേഹമുള്ള നല്ലൊരു വ്യക്തിത്വത്തിന് ഉടമയാണ് അവനെന്ന് എനിക്കറിയാം. അവന്റെ രാഷ്ട്രീയവും എന്റെ രാഷ്ട്രീയവും വ്യത്യസ്തമാണ്. പക്ഷേ ഞങ്ങളുടെ സഹോദരതുല്യമായ സുഹൃത്ബന്ധം രാഷ്ട്രീയത്തിന് അതീതമാണ്. അതിന് നശിപ്പിക്കുവാന് സാധിക്കുകയില്ല.- ഷാജി കൈലാസ് പറഞ്ഞു.
കുറിപ്പിന്റെ പൂര്ണ രൂപം
കഴിഞ്ഞ കുറച്ചു ദിവസങ്ങളായി സോഷ്യല് മീഡിയയില് ഞാന് പറഞ്ഞിട്ടില്ലാത്ത ഒരു കാര്യം പലരും ഷെയര് ചെയ്യുന്നത് കാണുവാന് ഇടയായി. ഒന്നോര്ക്കുക.. കമ്മീഷണറില് തുടങ്ങിയതല്ല ഞാനും സുരേഷും തമ്മിലുളള ആത്മബന്ധം. സിനിമയിലേക്ക് വന്ന അന്ന് മുതല് ഞങ്ങള് സുഹൃത്തുക്കളാണ്. എന്റെ ആദ്യ ചിത്രത്തില് നായകന് സുരേഷായിരുന്നു. ഇനി എന്റെ അടുത്ത ചിത്രത്തിലും സുരേഷ് തന്നെയാണ് നായകന്. ഞങ്ങള്ക്കിടയില് ഇണക്കങ്ങളും പിണക്കങ്ങളും ഉണ്ടാകാറുണ്ട്.
അതിന്റെ ആഴവും വ്യാപ്തിയും എന്താണെന്ന് ഞങ്ങള് രണ്ടുപേര്ക്കും അറിയാം. അന്നും ഇന്നും സഹജീവി സ്നേഹമുള്ള നല്ലൊരു വ്യക്തിത്വത്തിന് ഉടമയാണ് അവനെന്ന് എനിക്കറിയാം. അവന്റെ രാഷ്ട്രീയവും എന്റെ രാഷ്ട്രീയവും വ്യത്യസ്തമാണ്. പക്ഷേ ഞങ്ങളുടെ സഹോദരതുല്യമായ സുഹൃത്ബന്ധം രാഷ്ട്രീയത്തിന് അതീതമാണ്. അതിന് നശിപ്പിക്കുവാന് സാധിക്കുകയില്ല. ഇത്തരത്തില് വ്യാജമായ വാര്ത്തകള് നിര്മ്മിക്കുന്നതിലൂടെ ആനന്ദം കൊള്ളുന്നവര് ദയവായി ഇത്തരം പ്രവര്ത്തികള് നിര്ത്തുക. മാനസികമായി ഏറെ വേദന ഉളവാക്കുന്ന ഒന്നാണിത്.
