ദീപാവലി ആഘോഷത്തിലാണ് രാജ്യമെങ്ങും . സൂററ്റിലെ അഗർവാൾ ഡെവലപ്‌മെന്റ് ട്രസ്റ്റ് യൂത്ത് ബ്രാഞ്ച് രാമക്ഷേത്രത്തിന്റെ മാതൃകയിൽ 3500 അടി രംഗോലി നിർമ്മിച്ചതാണ് ഇപ്പോൾ ശ്രദ്ധ നേടുന്നത് .
അയോദ്ധ്യയിലെ രാമക്ഷേത്രത്തിന്റെ ഉജ്ജ്വലമായ ഒരു പകർപ്പ് തന്നെയാണ് ഇവിടെ കാണാനാകുക . ഈ രംഗോലിയുടെ ഡ്രോൺ ദൃശ്യങ്ങളും പുറത്ത് വന്നിട്ടുണ്ട് . രംഗോലി ദീപാവലി വരെ പൊതുജനങ്ങൾക്ക് കാണാനാകുമെന്ന് അഗർവാൾ ഡെവലപ്‌മെന്റ് ട്രസ്റ്റ് പ്രസിഡന്റ് സഞ്ജയ് സരവാഗി പറഞ്ഞു.
സൂറത്ത് നഗരത്തിലെ സിറ്റിലൈറ്റ് മഹാരാജ അഗ്രസെൻ ഭവന്റെ പരിസരത്താണ് നിർമ്മിച്ചിരിക്കുന്നത്. ട്രസ്റ്റിന്റെ യൂത്ത് ബ്രാഞ്ചാണ് ഈ രംഗോലി തയ്യാറാക്കിയിരിക്കുന്നത്. സൂറത്തിൽ ആദ്യമായാണ് ഇത്രയും വലിയ രംഗോലി ഒരുക്കുന്നത്.
