സ്മാർട്ട്ഫോണിനൊപ്പം ഏറ്റുമുട്ടാൻ സ്മാർട്ട് ഫീച്ചർ ഫോണുമായി റിലയൻസ് ജിയോ. ‘ജിയോ പ്രൈമ 4ജി’ എന്ന് പേരിട്ടിരിക്കുന്ന ഫോൺ വിപണിയിലെത്തി. പ്രധാന റീട്ടെയിൽ സ്റ്റോറുകളിലും റിലയൻസ് ഡിജിറ്റൽ. ഇൻ, ജിയോമാർട്ട് ഇലക്ട്രോണിക്സ് , ആമസോൺ തുടങ്ങിയ ഓൺലൈൻ പ്ലാറ്റ്ഫോമുകളിലും ലഭ്യമാകും.
ഫീച്ചർ ഫോണിന്റെ രൂപത്തിലാണെങ്കിലും ജിയോഫോൺ പ്രൈമ 4ജിയിൽ വാട്സ്ആപ്പ്, ഫേസ്ബുക്ക്, യൂട്യൂബ് തുടങ്ങിയ ആപ്ലിക്കേഷനുകൾ പ്രവർത്തിക്കും. വീഡിയോ കോളിംഗിനും ഫോട്ടോഗ്രാഫിക്കും പറ്റുന്ന ഡിജിറ്റൽ ക്യാമറകളും ഇതിൽ ഉൾപ്പെടുത്തിയിട്ടുണ്ട്.
Kai-OS പ്ലാറ്റ്ഫോമിനെ അടിസ്ഥാനമാക്കിയുള്ള, 4ജി സ്മാർട്ട് ഫീച്ചർ ഫോണാണ് ജിയോഫോൺ പ്രൈമ. 2.4 ഇഞ്ച് ഡിസ്പ്ലേ സ്ക്രീനും 1800 mAh ബാറ്ററിയുമുള്ള ഈ ഫോണിന് 2,599 രൂപ മാത്രമാണ് വില. 23 ഭാഷകൾ ഫോൺ സപ്പോർട്ട് ചെയ്യും. ജിയോ ടി വി, ജിയോ സിനിമ, ജിയോ സാവൻ എന്നീ വിനോദ ആപ്പുകൾ ഇതിലുണ്ടാകും.ജിയോ പേ വഴിയുള്ള യു പി ഐ പേയ്മെന്റ് ചെയ്യാം.
