ഗരുഡൻ സിനിമയ്‌ക്ക് ശേഷം മിഥുൻ മാനുവൽ തോമസ് തിരക്കഥ ഒരുക്കുന്ന ഹൊറർ ചിത്രം ‘ഫീനിക്‌സിന്റെ’ ട്രെയിലർ പുറത്ത്. നവംബർ 17-നാണ് ചിത്രം പ്രദർശനത്തിനായി തിയറ്ററുകളിൽ എത്തുന്നത്. അജുവർഗീസ്, അനൂപ് മേനോൻ എന്നിവർ പ്രധാന വേഷങ്ങളിലെത്തുന്ന ചിത്രം സംവിധാനം ചെയ്യുന്നത് നവാഗതനായ വിഷ്ണുഭരത് ആണ്.
ഒരു വീടും അതിനെ ചുറ്റിപറ്റി നടക്കുന്ന ദുരൂഹ സംഭവങ്ങളുമാണ് സിനിമയുടെ ഇതിവൃത്തം. ഫ്രണ്ട് റോ പ്രൊഡക്ഷന്റെ ബാനറിൽ റിനീഷ് കെ എൻ ആണ് ഫീനിക്‌സിന്റെ നിർമ്മാണം. ലോ ബജറ്റിൽ ഹൈക്വാളിറ്റിയിൽ ഒരു ഹോറർ ചിത്രം വരുന്നു എന്നതാണ് സിനിമാ പ്രേമികളെ ആകാംഷരാക്കുന്നത്.
മലയാള ഹൊറർ സിനിമയിൽ പുതിയ ഒരു തുടക്കമിടാൻ ഫീനിക്‌സിന് കഴിയുമെന്നാണ് അണിയറ പ്രവർത്തകർ വിശ്വസിക്കുന്നത്. ലീഗൽ ഇൻവെസ്റ്റിഗേഷൻ ത്രില്ലറായി വന്ന ഗരുഡൻ ബോക്‌സോഫീസിൽ വിജയക്കുതിപ്പ് തുടരുമ്പോഴാണ് മിഥുന്റെ കരുത്തുറ്റ തൂലികയിൽ മറ്റൊരു സിനിമ കൂടി തിയറ്ററുകളിൽ എത്തുന്നത്.
ചിത്രത്തിന്റെ ഛായാഗ്രഹണം നിർവ്വഹിക്കുന്നത് ആൽബിയും സംഗീത സംവിധാനം നിർവ്വഹിക്കുന്നത് സാം സി.എസും ആണ്. പ്രൊഡക്ഷൻ ഡിസൈനർ ഷാജി നടുവിൽ, എഡിറ്റർ നിതീഷ് കെ. ടി. ആർ, കഥ വിഷ്ണു ഭരതൻ മൂലകഥ ബിഗിൽ ബാലകൃഷ്ണൻ, എക്സിക്യൂട്ടീവ് പ്രൊഡ്യൂസർ ഷിനോജ് ഓടാണ്ടിയിൽ, പ്രൊഡക്ഷൻ കൺട്രോളർ കിഷോർ പുറകാട്ടിരി, ഗാനരചന വിനായക് ശശികുമാർ, മേക്കപ്പ് റോണെക്സ് സേവ്യർ, കൊസ്റ്റും ഡിനോ ഡേവിസ്, ചീഫ് അസോസിയേറ്റ് രാഹുൽ ആർ. ശർമ, പി.ആർ.ഒ മഞ്ജു ഗോപിനാഥ്, വാഴൂർ ജോസ്, സ്റ്റിൽസ് റിച്ചാർഡ് ആന്റണി, മാർക്കറ്റിങ് ഒബ്സ്‌ക്യുറ, പരസ്യകല യെല്ലോടൂത്ത് എന്നിവരാണ് മറ്റു അണിയറ പ്രവർത്തകർ.
