പത്തനംതിട്ട: അച്ഛനും മകനും തലയ്ക്ക് വെട്ടേറ്റു. പത്തനംതിട്ട റാന്നിയിലാണ് സംഭവം. അത്തിക്കയം പൊന്നമ്പാറ സ്വദേശി സുകുമാരനും മകൻ സുനിലിനുമാണ് പരിക്കേറ്റത്. ഗുരുതരമായി പരിക്കേറ്റ ഇവരെ
കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്
ഇന്നലെ രാത്രി എട്ടരയോടെയാണ് ആക്രമണം നടന്നത്. അയൽവാസി പ്രസാദാണ് ഇവർക്ക് നേരെ ആക്രമണം നടത്തിയത്. ഇയാൾ ഒളിവിലാണ്. നേരത്തെയും ഇവർ തമ്മിൽ തർക്കം ഉണ്ടായിരുന്നുവെന്നും ഇതിന്റെ തുടർച്ചയാണ് ഇപ്പോഴത്തെ ആക്രമണമെന്നുമാണ് പോലീസ് വ്യക്തമാക്കുന്നത്. അതേസമയം പ്രതിയെ പിടികൂടുന്നതിനായി അന്വേഷണം ആരംഭിച്ചു.
