ഹൈദരാബാദ്: പ്രധാനമന്ത്രിയെ ഒരുനോക്ക് കാണാൻ ഉയരത്തിൽ ലൈറ്റുകൾ പിടിപ്പിച്ച സ്റ്റാന്റുകൾക്ക് മുകളിൽ കയറി യുവതി. ഹൈദരാബാദിൽ മാഡിഗ സംവരണ സമര സമിതി സംഘടിപ്പിച്ച പൊതുയോഗത്തിൽ സംസാരിക്കാൻ എത്തിയതായിരുന്നു പ്രധാനമന്ത്രി നരേന്ദ്രമോദി. നരേന്ദ്രമോദി സംസാരിച്ചു കൊണ്ടിരിക്കവെയാണ് പ്രധാനമന്ത്രിയെ കാണാൻ ഗ്രൗണ്ടിൽ സ്ഥാപിച്ചിരുന്ന ലൈറ്റ് ടവറിൽ യുവതി കയറിയത്. ഇത് ശ്രദ്ധയിൽപ്പെട്ടതോടെ യുവതിയോട് പ്രധാനമന്ത്രി നിലത്തിറങ്ങാൻ അഭ്യർത്ഥിക്കുകയും ചെയ്തു.
വൈദ്യുത കണക്ഷനുകൾ ഉള്ളതാണ്, മകളെ നീ താഴെ ഇറങ്ങൂ എന്നാണ് പ്രധാനമന്ത്രി യുവതിയോട് ആവർത്തിച്ച് അഭ്യർത്ഥിച്ചത്. “ബേട്ട, ഞാൻ പറയുന്നത് കേൾക്കാം. ദയവായി ഇറങ്ങി ഇരിക്കൂ. ഷോർട്ട് സർക്യൂട്ട് ഉണ്ടായേക്കാം. ഇത് ശരിയല്ല. ഞാൻ നിങ്ങൾക്കായി വന്നതാണ്. ഞാൻ ഇവിടെയുണ്ട്. ഇങ്ങനെയൊന്നും ചെയ്യരുത്”- എന്ന് പ്രധാനമന്ത്രി ഉറക്കെ വിളിച്ചു പറഞ്ഞു. പ്രധാനമന്ത്രിയുടെ അഭ്യർത്ഥന രാജ്യസഭാംഗം കെ ലക്ഷ്മൺ തെലുങ്കിൽ തർജ്ജമ ചെയ്യുകയും ചെയ്തു.
#WATCH | Secunderabad, Telangana: During PM Modi’s speech at public rally, a woman climbs a light tower to speak to him, and he requests her to come down. pic.twitter.com/IlsTOBvSqA
— ANI (@ANI) November 11, 2023
“>
പ്രധാനമന്ത്രി ആവർത്തിച്ച് അഭ്യർത്ഥിച്ചതോടെ യുവതി താഴെ ഇറങ്ങുകയായിരുന്നു. പെൺകുട്ടിയോട് അദ്ദേഹം നന്ദി പറയുകയും ചെയ്തു. ഇതിന്റെ വീഡിയോ സമൂഹമാദ്ധ്യമങ്ങളിൽ വൈറലാകുകയാണ്. സംഭവത്തെക്കുറിച്ച് അന്വേഷണം നടക്കുന്നുണ്ടെന്നും പരിശോധിച്ചു വരികയാണെന്നും പോലീസും വ്യക്തമാക്കി.
