വർഷങ്ങൾക്ക് ശേഷം മീരാജാസ്മിനും നരേനും ഒന്നിക്കുന്ന ചിത്രം ക്വീൻ എലിസബത്തിലെ പുതിയ ലിറിക്കൽ വീഡിയോ ഗാനം പുറത്തിറങ്ങി. ‘ ചെമ്പക പൂവെന്തെ’ എന്ന് ആരംഭിക്കുന്ന ഗാനമാണ് പുറത്തിറങ്ങിയത്. ജോ പോൾ എഴുതിയ ഗാനം ആലപിച്ചിരിക്കുന്നത് ഹരിചരണാണ് രഞ്ജിൻ രാജാണ് സംഗീത സംവിധാനം.
എം പത്മകുമാർ സംവിധാനം ചെയ്യുന്ന ചിത്രം സാമൂഹിക പ്രതിബദ്ധതയുള്ള വിഷയമാണ് അവതരിപ്പിക്കുന്നത്. ബ്ലൂമൗണ്ട് പ്രൊഡക്ഷൻസിന്റെ ബാനറിൽ രഞ്ജിത്ത് മണമ്പ്രാട്ട്, ശ്രീറാം മണമ്പ്രാട്ട്, എം.പത്മകുമാർ എന്നിവർ ചേർന്നാണ് ചിത്രം നിർമ്മിക്കുന്നത്.
രമേശ് പിഷാരടി, ശ്വേതാ മേനോൻ, ശ്യാമ പ്രസാദ്, ജോണി ആന്റണി, മല്ലികാ സുകുമാരൻ, വി കെ പ്രകാശ്, ജൂഡ് ആന്റണി ജോസഫ്, ആര്യ, ശ്രുതി രജനികാന്ത്, സാനിയ ബാബു, നീനാ കുറുപ്പ്, മഞ്ജു പത്രോസ്, എന്നിവരും ചിത്രത്തിൽ കേന്ദ്രകഥാപാത്രങ്ങളെ അവതരിപ്പിക്കുന്നു.
