വാട്ട്സ്ആപ്പ് ഉപയോക്താക്കളുടെ ഉപയോഗം ഗണ്യമായി വർദ്ധിച്ചതോടെ നിരവധി അപ്ഡേറ്റുകളാണ് അടുത്തിടെ മെറ്റ അവതരിപ്പിച്ചിരിക്കുന്നത്. വ്യക്തിഗത ആശയവിനിമയത്തിന് പുറമെ പ്രൊഫഷണൽ കാര്യങ്ങൾക്കും വാട്ട്സ്ആപ്പ് ഒഴിച്ചുകൂടാനാവാത്ത ഒന്നായി മാറി കഴിഞ്ഞു. അക്കൗണ്ടുകളുടെ ഉപയോഗം വർദ്ധിച്ചതോടെ വാട്ട്സ്ആപ്പ് കേന്ദ്രീകരിച്ചുള്ള തട്ടിപ്പുകളും ഉയർന്നിട്ടുണ്ട്. ഉപയോക്താക്കളുടെ സുരക്ഷ മുൻ നിർത്തി നിരവധി ഫീച്ചറുകൾ വാട്ട്സ്ആപ്പ് കൊണ്ടുവന്നിട്ടുണ്ട്. വാട്ട്സ്ആപ്പ് അക്കൗണ്ട് സുരക്ഷിതമാണോ എന്ന് മനസിലാക്കുന്നതിന് ഈ മാർഗങ്ങൾ സ്വീകരിക്കാവുന്നതാണ്. ഇവ ഏതെല്ലാമെന്ന് നോക്കാം…
സ്ക്രീൻ ലോക്ക് സെറ്റിംഗ്സ്
സ്ക്രീൻ ലോക്ക് ഫീച്ചർ എനേബിൾ ചെയ്തിട്ടുണ്ടോ എന്ന് ഉറപ്പു വരുത്തണം. സുരക്ഷ വർദ്ധിപ്പിക്കാൻ ഇത് സഹായകമാണ്. അംഗീകൃത ഉപയോക്താക്കൾക്ക് മാത്രമാണ് ഫോണിലെ വാട്ട്സ്ആപ്പിലേക്ക് കയറുന്നത് എന്ന് ഉറപ്പുവരുത്താനാകും.
ടൂ ഫാക്ടർ ഒതന്റിക്കേഷൻ
ടൂഫാക്ടർ ഒതന്റിക്കേഷൻ ആക്ടീവ് ആണോയെന്ന് കൃത്യമായി പരിശോധിക്കുക. സുരക്ഷ വർദ്ധിപ്പിക്കാൻ സഹായിക്കുന്ന എളുപ്പമാർഗമാണിത്. വേരിഫിക്കേഷന് സമാനതകളില്ലാത്ത കോഡ് ഉപയോഗിക്കുന്നതിലൂടെ ഫീച്ചർ കടന്നുകയറ്റം തടയുന്നു.
അജ്ഞാത നമ്പറുകൾ സൈലന്റ് ആക്കാം
പരിചിതമല്ലാത്ത നമ്പറുകളിൽ നിന്നും എത്തുന്ന ഫീച്ചറുകൾ സൈലന്റ് മോഡിലേക്ക് മാറ്റാനാകും. വോയ്സ്, വീഡിയോ കോളുകൾ റിംഗ് ചെയ്യുന്നത് തടയാൻ സഹായിക്കുന്നു.
എൻഡ് ടു എൻഡ് എൻക്രിപ്ഷൻ
ഈ ഫീച്ചർ എനേബിൾ ആണെന്ന് ഇടയ്ക്കിടയ്ക്ക് ഉറപ്പു വരുത്തുക. മെസേജുകളിലും കോളുകളിലും പങ്കുവെയ്ക്കുന്ന മീഡിയ ഫയലുകളിൽ തേർഡ് പാർട്ടിയുടെ കടന്നു കയറ്റത്തിന് തടയിടാൻ സഹായിക്കുന്നു.
പ്രൊഫൈൽ ഫോട്ടോ പ്രൈവസി
സെറ്റിംഗ്സിൽ നിന്നും എവരിവൺ, കോൺടാക്ട്സ് ഒൺലി, ആരും കാണേണ്ടതില്ല എന്നിവയിൽ ഏത് വേണമെങ്കിലും തിരഞ്ഞെടുക്കാം. പ്രൊഫൈൽ ഫോട്ടോ ആരെല്ലാം കാണണമെന്ന് തീരുമാനിക്കാൻ ഉപയോക്താവിന് സാധിക്കും.
റീഡ് റെസീപ്റ്റ്സ്
മറ്റുള്ളവർ അയച്ച സന്ദേശം നാം കണ്ടോ ഇല്ലയോ എന്ന് തീരുമാനിക്കാൻ ഇതിലൂടെ സാധിക്കും. സ്വകാര്യതയുമായി ബന്ധപ്പെട്ട ഫീച്ചറാണിത്.
ലാസ്റ്റ് സീൻ പ്രൈവസി
വാട്ട്സ്ആപ്പിൽ എപ്പോഴാണ് അവസാനം കയറിയത് എന്ന് മറ്റുള്ളവരെ അറിയിക്കാൻ താത്പര്യമില്ലെങ്കിൽ ഈ ഫീച്ചർ ഉപയോഗിക്കാം.
ഡിസപ്പിയറിംഗ് മെസേജ്
ഒരു നിശ്ചിത സമയത്തിന് ശേഷം ചാറ്റിലെ മെസേജ് അപ്രത്യക്ഷമാകുന്ന ഫീച്ചറാണിത്. ആശയവിനിമയത്തിൽ കൂടുതൽ സ്വകാര്യത ഉറപ്പു വരുത്താൻ ഇത് സഹായിക്കുന്നു.
