ലഡാക്ക് മാർക്കറ്റിൽ കറങ്ങി നടക്കുന്ന മോഹൻലാലിന്റെ സ്റ്റൈലിഷ് വിഡിയോ സമൂഹമാദ്ധ്യമങ്ങളിൽ വൈറൽ. എമ്പൂരാൻ സിനിമയുടെ ഷൂട്ടിങ് ഇടവേളയിലാണ് താരം ഷോപ്പിംഗിനിറങ്ങിയത്. മോഹൻലാലിന്റെ സുഹൃത്ത് സമീർ ഹംസയാണ് തന്റെ ഇൻസ്റ്റഗ്രാം പേജിലൂടെ ദൃശ്യങ്ങൾ പങ്കുവച്ചത്.
ജമ്മു കശ്മീരിന്റെ പ്രത്യേക പദവി റദ്ദാക്കിയതിന് ശേഷം നിരവധി ബിഗ് ബജറ്റ് ചിത്രങ്ങളാണ് ജമ്മുവിലും കേന്ദ്രഭരണപ്രദശമായ ലഡാക്കിലും ഷൂട്ട് ചെയ്യുന്നത്. മലയാളത്തിൽ നിന്നുള്ള ചിത്രങ്ങളും ഇതിൽ ഉൾപ്പെടും. പ്രേക്ഷകർ ആകാക്ഷയൊടെ കാത്തിരിക്കുന്ന എമ്പൂരാൻ സിനിമയുടെ ആദ്യ ഘട്ട ചിത്രീകരണം ലഡാക്കിൽ പൂർത്തിയായി.
കഴിഞ്ഞ ദിവസം സിനിമയുടെ ഫസ്റ്റ് ലുക്ക് പുറത്തു വന്നു. പൃഥ്വിരാജ് സംവിധാനം ചെയ്യുന്ന ചിത്രത്തിൽ നിരവധി പ്രമുഖ താരങ്ങൾ അണിനിരക്കുന്നതായാണ് സൂചന. തിയറ്ററിലും ഒടിടിയിലും ഹിറ്റായ ലൂസിഫറിന്റെ രണ്ടാം ഭാഗമായതിനാൽ ഹോളിവുഡ് ചിത്രത്തിനു സമാനമായ ലൊക്കേഷനും ചിത്രീകരണവുമാണ് ആസൂത്രണം ചെയ്യുന്നത്.