എന്നെ തിരിച്ചു വിളിക്കൂ… എനിക്ക് ഗെയിലിന്റെ റെക്കോര്‍ഡ് തകര്‍ക്കണം; വേണമെങ്കില്‍ വരാമെന്ന് ഷൊയ്ബ് മാലിക്

പാക് ബോര്‍ഡ് ആവശ്യപ്പെട്ടാല്‍ അന്താരാഷ്‌ട്ര ക്രിക്കറ്റിലേക്ക് തിരിച്ചുവരാമെന്ന് മുന്‍ ക്യാപ്റ്റന്‍ ഷൊയ്ബ് മാലിക്ക്. ടി20 ക്രിക്കറ്റില്‍ ക്രിസ് ഗെയിലിന്റെ റെക്കോര്‍ഡ് തകര്‍ക്കണമെന്നും മാലിക് പറഞ്ഞു.

രണ്ടുവര്‍ഷം മുന്‍പ് ബംഗ്ലാദേശ് പര്യടനത്തിലാണ് 41-കാരനായ മാലിക് പാകിസ്താനായി കളിക്കുന്നത്. താന്‍ ഇപ്പോഴും വിവധ രാജ്യങ്ങളിലെ അഭ്യന്തര ലീഗുകള്‍ കളിക്കുന്നുണ്ടെന്നും താരം വ്യക്തമാക്കി. 2024 ലെ ടി20 ലോകകപ്പ് കളിക്കാനാണ് താരം താത്പ്പര്യപ്പെടുന്നത്.

‘ എന്റെ ലക്ഷ്യം 2000 റണ്‍സുകൂടി നേടി ക്രിസ് ഗെയിലിനെ മറികടന്ന് ടി20 ക്രിക്കറ്റിലെ മികച്ച റണ്‍വേട്ടക്കാരനാവണം എത്തതാണ്. ഞാന്‍ കളിക്കാന്‍ തയ്യാറാണ്, പക്ഷേ ബോര്‍ഡില്‍ നിന്ന് വ്യക്തത വേണം’.

‘ഞാന്‍ പാകിസ്താനെ പ്രതിനിധീകരിക്കാന്‍ വേണ്ടിയല്ല ടി20 ലോകകപ്പ് കളിക്കുന്നത്, എന്റെ ക്രിക്കറ്റ് ഞാന്‍ അസ്വദിക്കുന്നു അതുകൊണ്ടാണ്. എന്റെ ശാരീരിക ക്ഷമതയുടെ കാര്യത്തില്‍ ഒരു പ്രശ്‌നവുമില്ല.’ – മാലിക് പറഞ്ഞു.

ടി20 ക്രിക്കറ്റിലെ റണ്‍വേട്ടക്കാരില്‍ രണ്ടാം സ്ഥാനക്കാരനാണ് മാലിക്ക് 515 മത്സരത്തില്‍ നിന്ന് 12,688 റണ്‍സാണ് താരം നേടിയത്. 26 ടീമകള്‍ക്കായി താരം ഇതുവരെ പാഡണിഞ്ഞിട്ടുണ്ട്. 1874 റണ്‍സുകൂടി നേടിയാല്‍ മാലിക്കിന് ഗെയിലിനെ മറികടക്കാം.

I am not playing cricket because I wanted to represent Pakistan in T20 World Cup 2024, If they want me then I want clarity, I wanted to break Chris Gayle record for the most runs in T20 cricket: Shoaib Malik pic.twitter.com/7dhFCpCTJA

— ٰImran Siddique (@imransiddique89) November 13, 2023

“>