ഭാരതീയ മൂല്യങ്ങളും സംസ്കാരവും ലോകത്തിന്റെ നാനാ ഭാഗങ്ങളിൽ പ്രകടമാകുന്നുണ്ടെന്നതിന്റെ തെളിവുകൾ പല വിഡിയോകളിലൂടെയും ചിത്രങ്ങളിലൂടെയും നാം കണ്ടിട്ടുണ്ടാകും. അത്തരത്തിൽ സിംഗപൂരിൽ നിന്നും വരുന്ന ദൃശ്യങ്ങളാണ് ഇപ്പോൾ സമൂഹമാദ്ധ്യമങ്ങളിലെ ട്രെൻഡിംഗിൽ ഇടം നേടിയിരിക്കുന്നത്.
സിംഗപൂർ ഉപപ്രധാനമന്ത്രി ലോറൻസ് വോങ് വളരെ അർപ്പണബോധത്തോടെ സിത്താർ വായിക്കാൻ പഠിക്കുന്നതിന്റെ വീഡിയോയിലുള്ളത്. അദ്ദേഹത്തിന്റെ പ്രവൃത്തിയെ പ്രധാനമന്ത്രി നരേന്ദ്രമോദി അഭിനന്ദിച്ച് രംഗത്തെത്തിയതോടെ വീഡിയോ ഇപ്പോൾ സമൂഹമാധ്യമങ്ങളിൽ തരംഗം സൃഷ്ടിച്ചിരിക്കുകയാണ്.
” സിത്താറിനോടുള്ള നിങ്ങളുടെ അഭിനിവേശം വളരുകയും മറ്റുള്ളവരെ പ്രചോദിപ്പിക്കുകയും ചെയ്യട്ടെ. ഈ ശ്രുതിമധുരമായ ഉദ്യമത്തിന് ആശംസകൾ. ഇന്ത്യയുടെ സംഗീത ചരിത്രം വൈവിധ്യങ്ങൾ നിറഞ്ഞതാണ് സഹസ്രാബ്ദങ്ങളായി വികസിച്ച താളങ്ങളിലൂടെ അത് പ്രതിധ്വനിക്കുന്നു.”- പ്രധാനമന്ത്രി കുറിച്ചു
Getting a quick intro to the beautiful tunes of the sitar.
Karthigayan here has been learning for a while, and he has been very patient in guiding me through the basic techniques. Enjoyed the experience, and the chance to learn more about the rich classical Indian music heritage! pic.twitter.com/yLTFCxEcu1— Lawrence Wong (@LawrenceWongST) November 12, 2023
“>
ദീപാവലി ദിനത്തിലാണ് വോങ് ഈ വീഡിയോ പങ്കുവച്ചത്. ഇന്ത്യൻ വംശജനായ കാർത്തികേയനിൽ നിന്നും വളരെ മനോഹരമായി സിത്താർ വായിക്കേണ്ടതിന്റെ ഓരോ പാഠങ്ങളും അദ്ദേഹം പഠിച്ചെടുക്കുന്നതും വീഡിയോയിലുണ്ട്. ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിച്ചതോടെ നിരവധി പേരാണ് വോങിനെ അഭിനന്ദിച്ച് രംഗത്തെത്തിയത്.