കോഴിക്കോട് : പേരാമ്പ്രയിൽ സെയിൽസ് ഗേളിനെ ക്രൂരമായി മർദ്ദിച്ച കേസിൽ കടയുടമ അറസ്റ്റിൽ. പേരാമ്പ്ര ചേനായി റോയൽ മാർബിൾസ് ഉടമ ജാഫർ ആണ് അറസ്റ്റിലായത്. പേരാമ്പ്രയിലെ ചേനായി റോയൽ മാർബിൾസിലെ ജീവനക്കാരിയായ 34കാരിയെയാണ് സ്ഥാപനം ഉടമയായ ജാഫർ മർദ്ദിച്ചതെന്നാണ് പരാതി.
പരാതിയിൽ കേസെടുത്ത പോലീസ് യുവതിയുടെ മൊഴിയെടുത്തതിനു പിന്നാലെയാണ് സ്ഥാപന ഉടമയെ അറസ്റ്റ് ചെയ്തത്. കടയിലെ കണക്കുമായി ബന്ധപ്പെട്ട തർക്കമാണ് മർദ്ദനത്തിന് കാരണമെന്ന് പോലീസ് പറഞ്ഞു.
മർദ്ദനത്തിൽ പരിക്കേറ്റ യുവതി കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. മർദ്ദനം, അന്യായമായി തടങ്കലിൽ വയ്ക്കൽ തുടങ്ങിയ വകുപ്പുകൾ പ്രകാരമാണ് പോലീസ് അറസ്റ്റ് രേഖപ്പെടുത്തിയത്.
