ബേസിൽ ജോസഫിനെ നായകനാക്കി നവാഗതനായ നിതീഷ് സംവിധാനം ചെയുന്ന ചിത്രമാണ് ‘ഫാലിമി’. ക്ലീൻ യു സർട്ടിഫിക്കറ്റാണ് ചിത്രത്തിന് ലഭിച്ചിരിക്കുന്നത്. നവംബർ 17-ന് ചിത്രം തീയേറ്ററുകളിൽ പ്രദർശനത്തിനെത്തും.
ജാനേമൻ, ജയ ജയ ജയഹേ തുടങ്ങിയ ചിത്രങ്ങൾക്ക് ശേഷം ബേസിലും ചീയേഴ്സ് എന്റർടെയ്മെന്റ്സും ഒന്നിക്കുന്ന ചിത്രമാണ് ഫാലിമി. കോമഡി ഫാമിലി ചിത്രമായ ഇതിൽ ജഗദീഷ്, മഞ്ജു പിള്ള, സന്ദീപ് പ്രദീപ് തുടങ്ങിയവരാണ് പ്രധാന വേഷത്തിലെത്തുന്നത്. നിതീഷ് സഹദേവനും സാഞ്ചോ ജോസഫും ചേർന്നാണ് ചിത്രത്തിന്റെ തിരക്കഥ. ഫാലിമി യുടെ സംഗീത സംവിധാനം നിർവഹിക്കുന്നത് വിഷ്ണു വിജയാണ്.
