ബ്യണസ് അയേഴ്സ്: 2026 ഫുട്ബോള് ലോകകപ്പ് യോഗ്യത മത്സരങ്ങളില് വമ്പന്മാര്ക്ക് അടിപതറി. ലോകകപ്പിന് ശേഷം അര്ജന്റീന ആദ്യ തോല്വി വഴങ്ങിയപ്പോള് യോഗ്യത മത്സരത്തിലെ ബ്രസീലിന്റെ രണ്ടാം തോല്വിയായിരുന്നു ഇന്നലെത്തേത്.
ലാറ്റിനമേരിക്കന് യോഗ്യതാ ഗ്രൂപ്പില് മുന് ചാമ്പ്യന്മാരായ യുറുഗ്വേയാണ് ലോക ചാമ്പ്യന്മാരെ എതിരില്ലാത്ത രണ്ട് ഗോളിന് വീഴ്ത്തിയത്. റൊണാള്ഡ് അറൗജോയും ഡാര്വിന് ന്യൂനസുമാണ് യുറുഗ്വോയുടെ ഗോളുകള്നേടിയത്.
കൊളംബിയ ആണ് ഒന്നിനെതിരെ രണ്ട് ഗോളുകള്ക്ക് ബ്രസീലിനെ നാണം കെടുത്തിയത്. മുന്നിട്ട് നിന്ന ശേഷമാണ് രണ്ടുഗോള് വാങ്ങി പരാജയം വഴങ്ങിയത്. ലൂയിസ് ഡയസാണ് രണ്ടു ഗോളുകളും നേടിയത്. ബ്രസീലിനായി ഗബ്രിയല് മാര്ട്ടിനെല്ലിയാണ് വലകുലുക്കിയത്.
തോറ്റെങ്കിലും ലാറ്റിനമേരിക്കന് ഗ്രൂപ്പില് അര്ജന്റീന തന്നെയാണ് മുന്നില്. യുറുഗ്വേയ് രണ്ടാമതും. തോല്വിയോടെ കാനറികള് അഞ്ചാം സ്ഥാനത്തേക്ക് വീണു. ലാറ്റിനമേരിക്കന് യോഗ്യതാ റൗണ്ടിലെ ആദ്യ ആറ് സ്ഥാനക്കാരാണ് ഫൈനല് റൗണ്ടിലേക്ക് യോഗ്യത നേടുക.
