വൃശ്ചിക പുലരിയില് അയ്യപ്പഭക്തര്ക്ക് ആശംസകളുമായി നടന് മോഹൻലാൽ. ഫേസ്ബുക്ക് പോസ്റ്റിലൂടെയാണ് അദ്ദേഹം ആശംസകള് അറിയിച്ചത്. ‘ഇന്ന് വൃശ്ചികം ഒന്ന്. ഭക്തിനിർഭരമായ മറ്റൊരു മണ്ഡലകാലത്തിന്റെ ആരംഭം. ഇനി ശബരീശ സന്നിധാനത്തിലേക്ക് ശരണംവിളികളുടെ തീർത്ഥാടനം. ഏവർക്കും ഹൃദയം നിറഞ്ഞ ആശംസകൾ’. എന്നായിരുന്നു മോഹൻലാൽ ഫേസ്ബുക്കിൽ കുറിച്ചത്.
ഭക്ത ലക്ഷങ്ങള്ക്ക് ദര്ശന സുകൃതമാകുന്ന മണ്ഡലകാല തീര്ഥാടനത്തിനായി അയ്യപ്പ ക്ഷേത്രനട ഇന്നലെ വൈകിട്ടാണ് തുറന്നത്. ശ്രീകോവിൽ നട തുറന്നതിന് ശേഷം ഗണപതി, നാഗം ഉപദേവതാ ക്ഷേത്രങ്ങളിൽ തന്ത്രി വിളക്ക് തെളിയിച്ചു. മാളികപ്പുറം മേൽശാന്തിയായി വി ഹരിഹരൻ നമ്പൂതിരിയും ചുമതലയേറ്റ് ദീപവും തെളിയിച്ചു.
ഡിസംബർ 27-നാണ് മണ്ഡലമാസ പൂജ നടക്കുക. അന്ന് രാത്രി 10 മണിയ്ക്ക് നട അടയ്ക്കും. ജനുവരി 15-നാണ് മകരവിളക്ക്. ജനുവരി 20-വരെയാണ് തീർത്ഥാടന കാലം. അയ്യപ്പ ഭക്തരെ സന്നിധാനത്തിലേക്ക് വരവേൽക്കാനും പൂജകൾക്കുമുള്ള ഒരുക്കങ്ങൾ പൂർത്തിയായതായി തിരുവിതാംകൂർ ദേവസ്വം ബോർഡ് അറിയിച്ചു. വെർച്വൽ ബുക്കിംഗ് മുഖേനയാണ് ഇക്കുറിയും തീർത്ഥാടകർക്ക് ദർശനത്തിനുള്ള സൗകര്യം ഒരുക്കിയിരിക്കുന്നത്.