കാസർകോട്: ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ വെടിവച്ചു കൊല്ലണമെന്ന് ആഹ്വാനം ചെയ്ത് കോൺഗ്രസ് എംപി രാജ്മോഹൻ ഉണ്ണിത്താൻ. നെതന്യാഹുവിനെതിരെ യുദ്ധക്കുറ്റം ചുമത്തി വിചാരണ കൂടാതെ വെടിവെച്ചു കൊല്ലണമെന്നായിരുന്നു കോൺഗ്രസ് നേതാവിന്റെ ആവശ്യം. കാസർകോട് നടന്ന ഹമാസ് അനുകൂല റാലിയിലായിരുന്നു രാജ്മോഹൻ ഉണ്ണിത്താന്റെ പരാമർശം.
യുദ്ധക്കുറ്റങ്ങളിൽ ഏർപ്പെടുന്നവരെ വിചാരണ ഇല്ലാതെ വെടിവെച്ച് കൊല്ലുന്ന രീതിയാണ് ന്യൂറംബർഗ് വിചാരണ. ഇത് നെതന്യാഹുവിന്റെ കാര്യത്തിലും നടപ്പാക്കണമെന്നായിരുന്നു ഉണ്ണിത്താന്റെ വാക്കുകൾ. രണ്ടാം ലോകമഹായുദ്ധത്തിന് ശേഷം നാസികളെ ന്യൂറംബർഗ് വിചാരണ പ്രകാരം കൊന്നൊടുക്കിയിരുന്നു. ഇന്ന് അതേരീതി നടപ്പിലാക്കേണ്ട സമയമാണ്. ലോകത്തിന് മുന്നിൽ കുറ്റവാളിയായി നിവർന്നു നിൽക്കുകയാണ് നെതന്യാഹു. അയാൾ ചെയ്യുന്ന പ്രവൃത്തികളുടെ ഫലമായി വെടിവച്ചു കൊല്ലപ്പെടുക തന്നെ ചെയ്യണമെന്നുമായിരുന്നു ഉണ്ണിത്താൻ പറഞ്ഞത്.
