ലോകകപ്പിന്റെ കലാശപ്പോരിൽ പാറ്റ് കമ്മിൻസിനും സംഘത്തിനും ഇന്ത്യയുടെ ബാറ്റർമാരെയും ബൗളർമാരെയും മാത്രം പേടിച്ചാൽ പോരാ… ഇന്ത്യൻ ആരാധകർ ഉയർത്തുന്ന വെല്ലുവിളികളെയും അതിജീവിക്കേണ്ടി വരും.. വെല്ലുവിളികളെ അതിജീവിക്കാൻ തയ്യാറാണെന്നും ഫൈനലിൽ ശക്തമായ മത്സരം കാഴ്ച വയ്ക്കുമെന്നുമാണ് ഓസ്ട്രേസലിയൻ നായകൻ പാറ്റ് കമ്മിൻസിന്റെ പ്രതികരണം. ലോകകപ്പിന് മുമ്പ് മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
ബാറ്റിംഗിൽ ഉഗ്രൻ ഫോമിലുള്ള രോഹിത് ശർമ്മയെയും വിരാട് കോഹ്ലിയെയും നേരിടാൻ ഞങ്ങളുടെ ബൗളർമാർ തയ്യാറാണ്. അതിനുള്ള തന്ത്രങ്ങളും ഞങ്ങളുടെ പക്കലുണ്ട്. ഇന്ത്യൻ സംഘത്തിൽ ഞങ്ങൾക്ക് വെല്ലുവിളി ഉയർത്തുന്നത് മുഹമ്മദ് ഷമിയാണ്. ലോകകപ്പിൽ അദ്ദേഹം മികച്ച ഫോമിലാണുള്ളത്. അദ്ദേഹത്തിന്റെ ബോളുകളെ ഞങ്ങളുടെ ബാറ്റർമാർ നേരിടും. ആരാധകരുടെ പിന്തുണ ഇന്ത്യക്കൊപ്പമായിരിക്കും. എന്നാൽ ആരാധകരെ നിശബ്ദരാക്കുക എന്നതാണ് നാളത്തെ ഞങ്ങളുടെ ലക്ഷ്യം. കാണികൾ നിശബ്ദമാകുന്നതിനപ്പുറം മറ്റൊരു സന്തോഷം ലഭിക്കാനില്ലെന്ന് പാറ്റ് കമ്മിൻസ് പറഞ്ഞു.