‘നമ്മൾ’എന്ന സിനിമയിലൂടെ മലയാള സിനിമാ ലോകത്തെത്തിയ നടിയാണ് ഭാവന. മികച്ച വേഷങ്ങളിലൂടെയും പ്രത്യേക ഭാഷാ ശൈലിയിലൂടെയും ആരധകർക്ക് പ്രിയങ്കരിയാണ് താരം. നമ്മൾ സിനിമയ്ക്ക് ശേഷം ഭാവന അഭിനയിച്ച സിനിമകളൊക്കെ ആരാധകർക്ക് ഏറെ പ്രിയപ്പെട്ടതാണ്. സമൂഹമാദ്ധ്യമങ്ങളിലും ഭാവനയ്ക്ക് ആരാധകർ ഏറെയുണ്ട്. ഇന്നിതാ നടൻ നരേനെ കുറിച്ച് ഭാവന പങ്കുവെക്കുന്ന കാര്യങ്ങളാണ് ശ്രദ്ധേയപ്പെടുന്നത്.
‘ഞാൻ നരനിൽ അഭിനയിക്കുമ്പോഴാണ് അദ്ദേഹം പേര് മാറ്റിയത്. എന്റെ ആദ്യ തമിഴ് സിനിമയിൽ നരേൻ ആയിരുന്നു നായകൻ. ആ സിനിമയിൽ അദ്ദേഹത്തിന്റെ പേര് സുനിൽ എന്നായിരുന്നു. ഞാൻ അന്ന് സുനിൽ ചേട്ടാ എന്നാണ് വിളിച്ചിരുന്നത്. അന്ന് ഞാൻ മലയാളത്തിൽ നരൻ സിനിമയും ചെയ്യുകയായിരുന്നു. പെട്ടെന്ന് ഒരു ദിവസം അദ്ദേഹം എന്നോട് വന്ന് പറഞ്ഞു, ഞാൻ എന്റെ പേരൊന്ന് ചെറുതായിട്ട് മാറ്റി എന്ന്. എന്നിട്ട് എന്നോട് കൊള്ളാമോ എന്നും ചോദിച്ചു’.
നരേൻ വീണ്ടും കുറെ തമിഴ് സിനിമകളൊക്കെ ചെയ്തു. അദ്ദേഹം അങ്ങനെ ആരോടും സംസാരിക്കാറില്ല. ഒരു സീനിന് മുമ്പ് ഒരുപാട് തയാറെടുപ്പുകൾ നടത്തും. ഞാൻ അങ്ങനെയൊന്നുമല്ല. എനിക്ക് അടുത്ത സീൻ ഏതാണെന്ന് പോലും ഓർമ്മയുണ്ടാവില്ല. ഒരുപാട് ഹാർഡ് വർക്ക് ചെയ്യുന്ന ഒരു നടനാണ് നരേനെന്നും ഭാവന പറഞ്ഞു.