ആരാധകർക്ക് ഏറെ ഇഷ്ടപ്പെട്ട താരദമ്പതികളാണ് ജ്യോതികയും സൂര്യയും. ഇരുവരുടെയും വിശേഷങ്ങളറിയാൻ ആരാധകർ വലിയ താൽപര്യം കാണിക്കാറുണ്ട്. നീണ്ടകാലത്തെ പ്രണയത്തിന് ശേഷമായിരുന്നു ഇരുവരും വിവാഹിതരായത്. എന്നാൽ വിവാഹ ശേഷം സിനിമയിൽ നിന്ന് ജ്യോതിക ഒരു നീണ്ട ഇടവേള എടുത്തിരുന്നു. പിന്നീട് തമിഴിൽ സൂര്യ തന്നെ നിർമ്മിച്ച 36 വയതിനിലെ എന്ന ചിത്രത്തിലൂടെയായിരുന്നു വീണ്ടും നടി അഭിനയ ജീവിതത്തിലേയ്ക്ക് കടന്നുവന്നത്. അഭിനയത്തിലേയ്ക്ക് കടന്നുവരാൻ സൂര്യ ഒരുപാട് സപ്പോർട്ട് ചെയ്തിട്ടുണ്ടെന്നുള്ള വിശേഷങ്ങൾ പലപ്പോഴും ജ്യോതിക ആരാധകരുമായി പങ്കുവെച്ചിട്ടുണ്ട്.
ഇപ്പോഴിതാ സിനിമ തിരഞ്ഞെടുക്കുന്ന കാര്യത്തിൽ സൂര്യ ഇടപെടാറുണ്ടോ എന്ന സംശയവുമായി എത്തിയിരിക്കുകയാണ് ആരാധകർ. തന്റെ പുതിയ ചിത്രമായ കാതലിന്റെ പ്രമോഷൻ വേളയിലായിരുന്നു ജ്യോതികയോട് ഇക്കാര്യം ചോദിച്ചത്. ഇല്ല എന്നായിരുന്നു താരത്തിന്റെ മറുപടി.
സൂര്യ അത്തരം കാര്യത്തിലൊന്നും ഇടപെടാറില്ല. അതെല്ലാം ഞാൻ തന്നെയാണ് തീരുമാനിക്കുന്നത്. കഥ കേട്ട് കഴിഞ്ഞ് ഇഷ്ടപ്പെട്ടാൽ ഞാൻ ഓകെ പറയും, അഭിനയിക്കും. കാതൽ എന്ന ചിത്രവും അങ്ങനെ തന്നെയായിരുന്നു. കഥ കേട്ടപ്പോൾ എനിക്ക് വളരെ ഇഷ്ടമായി മറ്റൊന്നും ആലോചിക്കാതെ ഞാൻ സമ്മതിക്കുകയായിരുന്നു. കൂടാതെ പലപ്പോഴും ഞാൻ അഭിനയിക്കുന്ന സിനിമകളുടെ ലൊക്കേഷനുകളിൽ സൂര്യ എത്താറുണ്ട് എന്നുമാത്രം. എന്നായിരുന്നു ജ്യോതികയുടെ മറുപടി.