മുന് ബോസ് സാം ആള്ട്ട്മാനെ തിരികെയെത്തിച്ചില്ലെങ്കില് കൂട്ട രാജിവയ്ക്കുമെന്ന് ഓപ്പണ് എഐയിലെ ജീവനക്കാര്. ആള്ട്ട്മാനൊപ്പം മൈക്രോ സോഫ്റ്റിലെ പുതിയ ഡിവിഷനില് ജോയിന് ചെയ്യുമെന്നുമാണ് ഭീഷണി. ആള്ട്ട്മാന് വിഭാഗത്തില് ജോലി ചെയ്തിരുന്ന 500 പേരാണ് രാജി ഭീഷണി മുഴക്കിയത്. ഇതോടെ ആള്മാനെ പുറത്താക്കിയ ബോര്ഡ് വെട്ടിലായി. റോയിട്ടേഴ്സാണ് ഇക്കാര്യം പുറുത്തുവിട്ടത്.
ഓപ്പണ് എഐ പ്രസിഡന്റ് സ്ഥാനത്ത് നിന്ന് പുറത്തായ ഗ്രെഗ് ബ്രോക്ക്മാനും മൈക്രോസോഫ്റ്റില് ചേരുമെന്ന് നേരത്തെ അറിയിച്ചിരുന്നു. ആള്ട്ട്മാന്റെയും ഗ്രെഗ്ഗിന്റെയും നേതൃത്വത്തില് മൈക്രോസോഫ്റ്റിന് അകത്ത് തന്നെ ഒരു പുത്തന് എഐ റിസര്ച്ച് സംഘം തുടങ്ങുമെന്നാണ് പ്രഖ്യാപനം. ഓപ്പണ് എഐയിലെ നിര്ണായക നിക്ഷേപകരിലൊന്നായ മൈക്രോസോഫ്റ്റിന്റെ ക്ലൗഡ് സെര്വ്വറുകളാണ് ഓപ്പണ് എഐ ഉപയോഗിക്കുന്നത്.
ചാറ്റ്ജിപിടിക്ക് പിന്നില് പ്രവര്ത്തിച്ച വ്യക്തിയാണ് സാം ആള്ട്ട്മാനെ കഴിഞ്ഞ ദിവസമാണ് ഓപ്പണ്എഐ കമ്പനി സി.ഇ.ഒ സ്ഥാനത്ത് നിന്ന് നീക്കം ചെയ്തത്. ബോര്ഡുമായുള്ള ആശയവിനിമയത്തില് സാം ആള്ട്ട്മാന് സ്ഥിരത പുലര്ത്തിയിരുന്നില്ലെന്നും അദ്ദേഹത്തിന്റെ കഴിവില് ബോര്ഡിന് വിശ്വാസം നഷ്ടപ്പെട്ടതോടെയാണ് പുറത്താക്കല് തീരുമാനമെന്നും കമ്പനി അറിയിച്ചിരുന്നത്.
