ജാജ്പൂര്: കളിച്ചതിന് ശിക്ഷയായി സിറ്റ് അപ്പ് എടുക്കാന് നിര്ബന്ധിതനായ കുട്ടി കുഴഞ്ഞു വീണ് മരിച്ചു. ഒഡീഷയിലെ ജാജ്പൂര് ജില്ലയിലെ സര്ക്കാര് നിയന്ത്രണത്തിലുള്ള സ്കൂളിലെ അദ്ധ്യാപികയാണ് നാലാം ക്ലാസുകാരനെക്കൊണ്ട് സിറ്റ് അപ്പ് ചെയ്യിപ്പിച്ചത്.
സൂര്യ നാരായണ് നോഡല് അപ്പര് പ്രൈമറി സ്കൂളിലെ വിദ്യാര്ത്ഥിയായിരുന്ന രുദ്ര നാരായണ് സേത്തിയാണ് ദാരുണമായി മരിച്ചത്.
ചെവ്വാഴ്ച ഉച്ചയ്ക്ക് ശേഷം സ്കൂള് പരിസരത്ത് സുഹൃത്തുക്കള്ക്കൊപ്പം കളിക്കുന്നത് കണ്ടതോടെയാണ് അദ്ധ്യാപകന് കുട്ടിയെ ശിക്ഷിച്ചത്. കുട്ടി കുഴഞ്ഞു വീണതോടെ മാതാപിതാക്കളെ അറിയിച്ചു. പിന്നാലെ ഇവരെത്തിയാണ് മകനെ ആശുപത്രിയില് എത്തിച്ചതും.
കുട്ടിയെ ആദ്യം അടുത്തുള്ള കമ്മ്യൂണിറ്റി സെന്ററിലേക്കും അവിടെ നിന്ന് കട്ടക്കിലെ എസ്.സി.ബി മെഡിക്കല് കോളേജ് ആശുപത്രിയിലേക്കും എത്തിച്ചു. എന്നാല് കുട്ടി മരിച്ചെന്ന് ഡോക്ടര്മാര് അറിയിച്ചു. ഇതുവരെ ഔദ്യോഗികമായ പരാതികളൊന്നും ലഭിച്ചിട്ടില്ലെന്ന് റസൂല്പൂര് ബ്ലോക്ക് വിദ്യാഭ്യാസ ഓഫീസര് നിലമ്പര് മിശ്ര പറഞ്ഞു. പരാതിയൊന്നും ലഭിച്ചിട്ടില്ലെന്ന് കുഖിയ പോലീസ് സ്റ്റേഷന് ഐ.ഐ.സി ശ്രീകാന്ത് ബാരികും പറഞ്ഞു.