എറണാകുളം: മാറുന്ന ഭാരതത്തിൽ മാറുന്ന റെയിൽവേ. ശ്രദ്ധേയമായി എറണാകുളം റെയിൽവേ ഡൈനിംഗ് ഹാൾ ഉദ്ഘാടനം. ഇക്കഴിഞ്ഞ ദിവസം നവീകരിച്ച എറണാകുളം റെയിൽവേയുടെ ഡൈനിംഗ് ഹാൾ ഉദ്ഘാടനം ചെയ്യാൻ എത്തിയത് മന്ത്രിമാരോ ഉന്നത ഉദ്യോഗസ്ഥരോ അല്ല മറിച്ച് സ്റ്റേഷനിലെ സീനിയർ ക്ലീനിംഗ് സ്റ്റാഫാണ്. സതേൺ റെയിൽവേ തിരുവനന്തപുരം ഓഫീസാണ് സമൂഹമാദ്ധ്യമത്തിലൂടെ വാർത്ത പങ്കുവെച്ചത്. ഇതിന്റെ ചിത്രങ്ങളും റെയിൽവേ പങ്കുവെച്ചിരുന്നു.
‘പുതുക്കി പണിത എറണാകുളം സ്റ്റേഷനിലെ ഡൈനിംഗ് ഹാൾ തുറന്നുകൊടുത്തു. സ്റ്റേഷനിലെ ഏറ്റവും മുതിർന്ന ക്ലീനിംഗ് സ്റ്റാഫാണ് ഉദ്ഘാടനം നിർവഹിച്ചത്.’ – സതേൺ റെയിൽവേ സമൂഹമാദ്ധ്യമത്തിൽ പങ്കുവെച്ച പോസ്റ്റ്. അതേസമയം, ഉദ്ഘാടനം ചെയ്ത അമ്മയുടെ പേര് റെയിൽവേ പോസ്റ്റിൽ പങ്കുവെച്ചിട്ടില്ല. അമ്മ നാടമുറിച്ച് ഉദ്ഘാടനം ചെയ്യുന്ന ചിത്രങ്ങളാണ് റെയിൽവേ പങ്കുവെച്ചത്.
