ദൃഷ്ടി ദോഷം മാറ്റാനാണ് ഇടയ്ക്ക് ഫോൺ കോളുകൾ അറ്റൻഡ് ചെയ്യുന്നതെന്ന് മുകേഷ്. എംഎൽഎ ആയതുകൊണ്ട് പലരും ഫോൺ വിളിച്ച് ചൂഷണം ചെയ്യുന്നതായി തോന്നിയിട്ടുണ്ടോയെന്ന അവതാരകയുടെ ചോദ്യത്തിനായിരുന്നു മുകേഷ് ഇത്തരത്തിൽ മറുപടി നൽകിയത്. പലവട്ടം മുകേഷ് ഫോണിൽ മോശമായി പെരുമാറുന്നത് സോഷ്യൽമീഡിയയിൽ ലീക്കായിട്ടുണ്ട്. ചിലർ തന്നെ ബുദ്ധിമുട്ടിക്കാൻ മനപൂർവം വിളിച്ച് ഉപദ്രവിക്കുന്നതാണെന്നായിരുന്നു അന്ന് മുകേഷ് പ്രതികരിച്ചത്.
എനിക്ക് അന്ധവിശ്വാസം കുറവാണ്. പക്ഷെ ഒരു കാര്യം എനിക്ക് വളരെ ഇഫക്ടീവാണ്. ദൈവം ഇല്ലെന്ന് പറയാനാകില്ല. ബ്ലെസ്സിങിന് വലിയ ശക്തിയുണ്ട്. അതുപോലെ ശാപത്തിനും വലിയ ശക്തിയുണ്ട്. ഇത് രണ്ടും നേരിട്ട് കണ്ടിട്ടുള്ളതാണ്. അതുപോലെ ദൃഷ്ടിദോഷം എന്നൊന്നുണ്ട്. എനിക്ക് അതുണ്ട്. എന്റെ ഒരു സിനിമ രണ്ട് ദിവസം നന്നായി ഓടിയാൽ എനിക്ക് പിന്നെ പനി പിടിക്കും.
പണ്ട് മുതൽ എനിക്ക് ഇത് സംഭവിക്കാറുണ്ട്. ഒരു നല്ലകാര്യം സംഭവിച്ച് കഴിയുമ്പോഴാണ് ഇത്തരം പ്രശ്നങ്ങൾ ഉണ്ടാകാറ്. അത് മാനസീകമാണോയെന്ന് അറിയില്ല. അതുകൊണ്ട് തന്നെ ഉടൻ ഒരു വിഷമം വന്നാൽ ദൃഷ്ടിദോഷം മാറും. ഈ ദൃഷ്ടിദോഷം മാറ്റാനാണ് ഇടയ്ക്ക് ഞാൻ ഫോൺ കോളുകൾ അറ്റന്റ് ചെയ്യുന്നത് മുകേഷ് പരിഹസിച്ചു. സിനിമയുടെ പ്രമോഷന്റെ ഭാഗമായി യൂടൂബ് ചാനലിന് നൽകിയ അഭിമുഖത്തിലാണ് മുകേഷിന്റെ പരാമർശം.