കൊച്ചി: മുഖ്യമന്ത്രിയും മന്ത്രിമാരും നടത്തുന്ന നവകേരള പരിപാടിയുടെ ഭാഗമായി പറവൂരിലെ സ്കൂളിന്റെ മതിൽ പൊളിച്ച് നീക്കാൻ തീരുമാനം. പരിപാടിയുടെ ഭാഗമായി എത്തുന്ന വാഹനങ്ങൾക്ക് അകത്തേയ്ക്ക് കടക്കാൻ സാധിക്കാത്തതിനാലാണ് സ്കൂളിന്റെ ചുറ്റുമതിൽ പൊളിക്കാനുള്ള നീക്കം. ഇക്കാര്യം സംബന്ധിച്ച് നഗരസഭ അദ്ധ്യക്ഷ ബീന ശശിധരൻ നോർത്ത് പറവൂർ തഹസിൽദാർക്ക് കത്ത് നൽകി.
മതിൽ പൊളിക്കണം എന്ന ആവശ്യം കാണിച്ച് നഗരസഭാ സെക്രട്ടറി വാക്കാലാണ് കത്ത് സമർപ്പിച്ചത്. അതേസമയം മതിൽ പൊളിക്കുന്നതിന് പലഭാഗത്ത് നിന്നും പ്രതിഷേധമുണ്ട്. നേരത്തെ പെരുമ്പാവൂർ ഗവ. ബോയ്സ് സ്കൂളിന്റെ മതിൽ പൊളിക്കാനും സംഘാടകർക്ക് നിർദ്ദേശം നൽകിയിരുന്നു. സ്കൂളിന്റെ മതിലും സ്റ്റേജും കൊടിമരവും പൊളിച്ച് മാറ്റാനായിരുന്നു നിർദ്ദേശം.
