മലയാളികളുടെ പ്രിയതാരമാണ് മഞ്ചിമ മോഹൻ. ബാലതാരമായി എത്തി മലയാളികളുടെ മനം കവർന്ന താരം പിന്നീട് ഒരു വടക്കൻ സെൽഫി എന്ന ചിത്രത്തിലൂടെ നായികയായി എത്തി ആരാധകരുടെ മനം കവർന്നു. ശേഷം തമിഴ് സിനിമയിൽ ചേക്കേറിയ താരം കോളിവുഡിനും പ്രിയപ്പെട്ട നായികയാവുകയായിരുന്നു. നടൻ ഗൗതം കാർത്തിക്കിനെ വിവാഹം കഴിച്ച താരം അഭിനയ ജീവിതത്തിൽ നിന്നും ഇപ്പോൾ ചെറിയൊരു അവധിയെടുത്തിരിക്കുകയാണ്.
View this post on Instagram
ഒന്നാം വിവാഹ വാർഷികം ആഘോഷിക്കുന്ന വേളയിൽ ഇരുവരും സോഷ്യൽ മീഡിയയിൽ പങ്കുവെച്ച കുറിപ്പുകളാണ് ഇപ്പോൾ ശ്രദ്ധ നേടുന്നത്. ഗൗതം കാർത്തിക്ക് പങ്കുവെച്ച കുറിപ്പ് ഇങ്ങനെ..
ഒരു വർഷം എന്നെ ഭർത്താവായി സഹിച്ചതിന് അഭിനന്ദനങ്ങൾ. വളരെ മനോഹരവും രസകരവുമായ ഒരു യാത്രയായിരുന്നു ഇത്. കടന്നു പോയ വർഷത്തെ ഓരോ നിമിഷവും ഞാൻ ഇഷ്ടപ്പെടുന്നു. നമ്മൾ ഒരുമിച്ച് മുന്നോട്ടുവെച്ച ഓരോ ചുവടും, വളർച്ചയും ഒരുമിച്ച്. നീ എനിക്കായി ത്യജിച്ച ഓരോ ചെറിയ കാര്യത്തിനും നന്ദി. എവിടെയാണെങ്കിലും എനിക്ക് ഓടിയെത്താനും സുരക്ഷിതാനായിരിക്കാനുമുള്ള ഒരിടമായി നീ മാറി. ഞാൻ കരുതിയിരുന്നതിനുമപ്പുറം എല്ലാ കാര്യത്തിലും നീ എനിക്ക് ശക്തി നൽകി. എന്നിലും എന്റെ കഴിവുകളിലും നീ ആത്മവിശ്വാസം നൽകി എന്നായിരുന്നു ഗൗതം പങ്കുവെച്ച കുറിപ്പ്. ഇരുവരും ഒരുമിച്ചുളള ചിത്രങ്ങളും രസകരമായ നിമിഷങ്ങളും ഗൗതം പങ്കുവെച്ചു.
View this post on Instagram
മഞ്ജിമ മോഹനും ഗൗതം കാർത്തിക്കും 2019- ൽ പുറത്തിറങ്ങിയ ദേവരാട്ടം എന്ന സിനിമയിലാണ് ഒരുമിച്ച് അഭിനയിച്ചത്. അടുത്ത സുഹൃത്തുക്കളായിരുന്ന ഇരുവരും പിന്നീട് പ്രണയത്തിലാവുകയായിരുന്നു. മൂന്ന് വർഷത്തെ പ്രണയത്തിനൊടുവിൽ കഴിഞ്ഞ വർഷമാണ് ഇരുവരും വിവാഹിതരായത്. വീട്ടുകാരുടെയും അടുത്ത സുഹൃത്തുക്കളുടെയും സാന്നിധ്യത്തിൽ ലളിതമായ വിവാഹമായിരുന്നു.
